Verk- eða tæknifræðingur óskast í áreiðanleikateymi - umsóknarfrestur til 10. október

Alcoa Fjarðaál leitar að öflugum verk- eða tæknifræðingi í starf áreiðanleikasérfræðings. Álver Alcoa Fjarðaáls er meðal þeirra fullkomnustu í heiminum og mikið er um sjálfvirkan búnað í stöðugri notkun. Áreiðanleikasérfræðingur vinnur að því að tryggja áreiðanleika búnaðarins með sérhæfðu ástandsgreiningarteymi sem styðst við margvíslegar mælingar og samanburð gagna. Fjarðaál er í samstarfi við leiðandi viðhaldsfyrirtæki í þróun sjálfvirkrar vöktunar vélbúnaðar í viðhaldskerfum.

Ábyrgð og verkefni

• Greina mikilvægi búnaðar
• Þróa mælikvarða fyrir áreiðanleika
• Tryggja réttar upplýsingar um búnað
• Rótargreiningar bilana og vandamála
• Reikna út kostnað og ávinning
• Stýra áreiðanleikaverkefnum
• Áætlanir og verklýsingar viðhaldsverka
• Greina viðhaldsgögn og vinna að umbótum
• Halda utan um varahlutalager

Menntun, hæfni og reynsla

• Verkfræði, tæknifræði eða önnur háskólamenntun sem nýtist í starfi
• Þriggja ára hagnýt starfsreynsla
• Geta til að skipuleggja og leiða verkefni
• Færni í samskiptum og teymisvinnu
• Frumkvæði og sjálfstæði
• Vilji til að læra og þróast í starfi
• Gott vald á íslensku og ensku
• Góð tölvukunnátta

Frekari upplýsingar um starfið veitir Gísli Gylfason á gisli.gylfason (hjá) alcoa.com eða í síma 470 7700. Í samræmi við jafnréttisstefnu Alcoa Fjarðaáls og lög nr. 150/2020 eru einstaklingar af öllum kynjum hvattir til að sækja um.

Hægt er að sækja um starfið á alþjóðlegum ráðningavef Alcoa.

Umsóknarfrestur er til og með mánudeginum 10. október.