22. ágúst 2022
Starfstækifæri - Umsjónarmaður rafveitu Alcoa Fjarðaáls - umsóknarfrestur til og með 29. ágúst
Alcoa Fjarðaál leitar að öflugum og reyndum rafiðnaðarmanni í starf umsjónarmanns rafveitu. Fjarðaál er stærsti raforkunotandi á Íslandi og rafveitan er fjölbreyttur og krefjandi starfsvettvangur þar sem öryggismál eru ávallt í forgrunni. Umsjónarmaður rafveitu heyrir undir rafveitustjóra og ber ábyrgð á framkvæmd daglegra verka, vinnur að skipulagningu viðhaldsverka og sinnir umhverfis-, heilbrigðis- og öryggismálum.
Ábyrgð og verkefni
- Dagleg umsjón með rekstri rafveitu
- Þátttaka í skipulagningu, undirbúningi og framkvæmd viðhaldsverka
- Eftirfylgni með umhverfis-, heilbrigðis- og öryggismálum
- Umsjón með vinnu verktaka í rafveitunni
- Vinna að umbótaverkefnum
- Þjálfun og fræðsla
Menntun, reynsla og hæfni
- Meistara- eða sveinspróf í rafvirkjun eða rafveituvirkjun
- Reynsla af rekstri og viðhaldi háspennubúnaðar
- Sterk öryggis- og gæðavitund
- Lipurð í samskiptum og teymishugsun
- Sjálfstæði og frumkvæði í vinnubrögðum
- Góð íslensku- og enskukunnátta
Frekari upplýsingar um starfið veitir Bjarki Franzson, rafveitustjóri Alcoa Fjarðaáls, í tölvupósti á bjarki.franzson@alcoa.com eða í síma 843 7941.
Í samræmi við jafnréttisstefnu Alcoa Fjarðaáls og lög nr. 150/2020 eru einstaklingar af öllum kynjum hvattir til að sækja um. Hægt er að sækja um starfið í Workday eða á www.alcoa.is.
Umsóknarfrestur er til og með mánudeginum 29. ágúst.