Prentvæn útgáfa
 go
|
|
17. maí 2010
Skila þarf athugasemdum fyrir 14. júní
Sameiginlegt mat á umhverfisáhrifum fyrir framkvæmdir vegna álvers á Bakka, virkjana og raflína var kynnt á þremur kynningarfundum á Norðurlandi í byrjun maí og einum í Reykjavík. Mest fjölmenni var á fundinum á Húsavík, en þangað komu um 70 manns. Samtals komu á fundina rúmlega 100 manns.
Á fundunum var farið yfir helstu atriði hverrar frummatsskýrslu, þ.e. fyrir Kröfluvirkjun II, Þeistareykjavirkjun, álver á Bakka, háspennulínur frá virkjunum að álveri og sameiginlegt mat á umhverfisáhrifum framkvæmdanna fjögurra.
Sérfræðingar á vegum framkvæmdaaðila héldu stuttar kynningar á öllum framkvæmdum og svöruðu fyrirspurnum fundargesta. Að því búnu gafst gestum tækifæri á að skoða upplýsingaspjöld og ræða nánar við sérfræðinga.
Frestur til að gera athugasemdir við frummatsskýrslurnar til Skipulagsstofnunar rennur út 14. júní.
|
|
|
