Sjálfboðavinna starfsmanna
Til viðbótar við beinan fjárstuðning við samfélagsverkefni hefur Alcoa sett á laggirnar þrjú alþjóðleg verkefni sem styðja sjálfboðaviðleitni starfsmanna Alcoa. Starfsmenn Alcoa víðsvegar um heim taka þátt í þessum verkefnum en tilgangur þeirra er að liðsinna félögum og stofnunum sem ekki eru rekin í hagnaðarskyni.
Október - alþjóðlegur þjónustumánuður
Í október ár hvert stendur Alcoa fyrir alþjóðlegum þjónustumánuði þar sem starfsmenn eru hvattir til að leggja frjálsum félagasamtökum og opinberum þjónustustofnunum í nágrannabyggðum fyrirtækisins lið. Starfsmennirnir vinna þá einir sér eða í hópum að ákveðnum verkefnum sem hafa að markmiði að bæta lífsgæði þeirra sem búa á starfssvæðum Alcoa fyrirtækjanna um heiminn.
Árið 2006 lögðu yfir 15.000 starfsmenn Alcoa í 36 löndum hönd á plóg til stuðnings fjölbreyttum verkefnum, t.d. fræðsluverkefni fyrir börn í Ungverjalandi um sjálfbæra þróun og viðhaldsvinnu á heimili fyrir munaðarlaus börn í Honduras .
Alcoa Fjarðaál tók þátt í þessu verkefni í fyrsta sinn í október 2006, en þá settu sjálfboðaliðar upp girðingu á leikskólanum Dalborgu á Eskifirði, hreinsuðu strandlengjuna í Hólmalandinu og lagfærðu aðstöðu Hestamannafélagsins Freyju á Eskifirði. Um 30% þeirra starfsmanna sem þá var búið að ráða tók þátt, sem er nokkuð góð þáttaka ef miðað er við Alcoa fyrirtækið í heild. Allar tillögur um verkefni sem gætu nýtt krafta starfsfólks Alcoa Fjarðaáls í októbermánuði eru velkomnar. Vinsamlegast hafið samband í síma 470-7700 og biðjið um aðila í samfélagsteymi.
ACTION
ACTION („Alcoans Coming Together In Our Neighborhoods“) er verkefni sem fellur undir Stuðningssjóð Alcoa. ACTION felst í því að fimm eða fleiri starfsmenn fyrirtækisins mynda hóp sem síðan vinnur að minnsta kosti 4 klukkustundir í sjálfboðavinnu fyrir félagasamtök á svæðinu. Til viðurkenningar á viðleitni starfsmanna afhendir Alcoa félagasamtökunum fjárupphæð sem samsvarar annað hvort 1.500 eða 3.000 USD og geta samtökin ráðstafað fjármagninu að vild. Hvert Alcoa fyrirtæki, og þar með Alcoa Fjarðaál, fær samtals 9.000 USD til ráðstöfunar vegna þátttöku starfsmanna í ACTION.
Bravo!
Bravo! er annað verkefni sem tilheyrir Stuðningssjóði Alcoa. Tilgangur verkefnisins er að stuðla að sjálfboðavinnu einstakra starfsmanna fyrirtækisins í þágu samfélagsins. Þegar starfsmaður Alcoa hefur unnið að minnsta kosti 50 klukkustundir í sjálfboðavinnu hjá frjálsum félagasamtökum leggur Alcoa samtökunum til fjárframlag að upphæð 250 USD (u.þ.b. 16 þúsund íslenskar krónur). Hver starfsmaður getur lagt fram beiðni um eitt slíkt fjárframlag á ári.
Meðal félaga sem njóta stuðningsins eru þau sem eru ekki rekin í gróðaskyni en vinna í málefnum er snerta heilsu, félagslega velferð, menntun og menningu. Félögin þurfa einnig að njóta opinberrar viðurkenningar og starfsemi þeirra þarf að snúast um góðgerðarstarfsemi. Opinberar stofnanir sem stunda góðgerðar- og líknarstarfsemi geta einnig notið stuðningsins.
|
 |
Þjónustumánuður Alcoa um allan heim
Þjónustumánuður Alcoa um allan heim, sem beinir sjónum að verndun og sjálfbærni, þjónar sem samræmdur tímarammi fyrir Alcoa-liða til að aðstoða samtök sem ekki eru rekin í hagnaðarskyni og tengjast ekki ríkisstjórnum í viðleitni þeirra til að bæta lífsgæði í yfir 150 samfélögum um allan heim.
 Uppákomur 2005 (á ensku)
Uppákomur 2004 (á ensku)
Uppákomur 2003 (á ensku)
|
|
