Þjálfun og fræðsla
Öll störf í tæknilega fullkomnu nútímaálveri krefjast
sérþekkingar. Hvert sem starfið er og hvaða menntun sem starfsmenn hafa fyrir,
þurfa þeir að auka sérþekkingu sína til að geta sinnt starfi sínu í álverinu.
Allir starfsmenn fá fræðilega kennslu samhliða markvissri starfsþjálfun.
Þjálfunin tengist meðal annars álframleiðslunni, starfsemi og rekstri
fyrirtækisins og umhverfis- og öryggismálum.
Fjarðaál leggur mikla áherslu á símenntun starfsmanna og
markmiðið er að hún komi bæði starfsmönnum og fyrirtækinu til góða. Símenntun
gerir starfsmönnum kleift að viðhalda þekkingu sinni og hæfni en einnig að þróa
með sér nýja færni sem gerir þeim kleift að takast á við ný verkefni og
fjölbreytt störf innan álversins og bæta við þekkingu sína á ýmsum sviðum.
Þeir sem stjórna krönum hjá Fjarðaáli fá góða þjálfun í
einstökum „kranahermi" sem líkir eftir umhverfinu í álverinu. Enginn fær að
vinna á krana fyrr en hann er fullkomlega öruggur með
stjórnina.
;)