Heilsa og öryggi
Öryggismál eru ofarlega á forgangslista hjá Fjarðaáli og allir
starfsmenn fá ítarlega fræðslu í þeim efnum. Mikil áhersla er lögð á að
vinnustaðurinn sé eins öruggur og kostur er. Starfsfólkinu á að líða vel í
vinnunni og markmiðið er að engin vinnuslys verði hjá fyrirtækinu.
Fjarðaál gætir einnig vel að almennri heilsu starfsmanna og
þeim stendur til boða víðtæk velferðarþjónusta. Hún felur meðal annars í sér að
starfsfólk hefur aðgang að þjónustu lækna, hjúkrunarfólks, sálfræðinga,
lögfræðinga og ýmissa annarra sérfræðinga sér að kostnaðarlausu ef þeir þurfa á
slíkri þjónustu að halda. Í heilsusetri álversins er jafnframt unnið að öflugum
forvörnum.
Hjúkrunarfræðingur í heilsugæslu Fjarðaáls mælir
blóðþrýsting hjá starfsmanni.
Gott dæmi um hversu öryggismál eru mikilvæg hjá Fjarðaáli
er læsa-merkja-prófa aðferðin. Hver starfsmaður hefur sinn „persónulega
öryggislás.“ Þegar vinna þarf að viðhaldi eða viðgerðum á tæki, læsir
starfsmaðurinn örygginu með lásnum sínum, þannig að ómögulegt er fyrir aðra
manneskju að ræsa tækið. Ef fleiri starfsmenn eru við verkið, eru fleiri lásar.
Á myndinni sjást lásar nokkurra starfsmanna á
öryggisboxi.
