Framtíðarhagsmunir Alcoa Fjarðaáls og samfélagsins fara saman og fyrirtækið leggur sitt af mörkum til að stuðla að framgangi góðra mála á Austurlandi. Alcoa Fjarðaál hefur tekið þátt í samvinnuverkefnum með öðrum fyrirtækjum og opinberum aðilum og veitt fjárstyrki til ýmissa verkefna.
Samfélagsstyrkir Alcoa Fjarðaáls
Sótt er um styrki sem eru undir 2 milljónum króna hjá Alcoa Fjarðaáli. Stuðningur er einungis veittur frjálsum félagasamtökum. Ekki eru veittir styrkir til einstaklinga, stjórnmálasamtaka, trúfélaga eða til almenns reksturs félaga. Þeir málaflokkar sem eru styrktir eru:
- Umhverfismál og náttúruvernd.
- Öryggis- og heilbrigðismál.
- Menntun og fræðsla.
- Menning, tómstundir og félagsstörf.
Þeir sem óska eftir stuðningi við verkefni af þessu tagi geta sent umsókn sem viðhengi á netfangið styrkir@alcoa.com. Umsóknir þurfa að berast annað hvort fyrir 10. mars eða 10. september, en styrkir eru afgreiddir tvisvar á ári – um miðjan apríl og miðjan október.
Samfélagssjóður Alcoa
Ef umbeðinn styrkur er hærri en tvær milljónir króna er unnt að senda umsóknina til Samfélagssjóðs Alcoa í Bandaríkjunum. Styrkbeiðendur geta sótt um styrki beint til sjóðsins. Starfsmenn Alcoa Fjarðaáls eiga einnig frumkvæði að því að leita að félögum sem uppfylla kröfur sjóðsins um tilgang, stjórnun og fleira. Þó er tekið á móti örfáum umsóknum árlega, beint frá félögum sem telja sig uppfylla skilyrði sjóðsins. Alcoa Fjarðaál þarf hins vegar að mæla með styrkjum sem sótt er um frá Íslandi.
Veittir styrkir
Alcoa Fjarðaál og Samfélagssjóður Alcoa (Alcoa Foundation) veittu samtals yfir 80 milljónir króna í styrki til ýmissa samfélagsverkefna á Austur- og Norðurlandi árið 2007, og á árinu 2008 nam upphæðin tæpum sextíu milljónum. Styrkirnir eru veittir félagasamtökum og stofnunum til fjölbreyttra verkefna sem ætlað er að auðga og efla sjálfbært samfélag. Frá árinu 2003 hefur Alcoa styrkt slík verkefni um ríflega 330 milljónir króna.
Styrkveitingar árið 2009
Styrkveitingar árið 2008
Styrkveitingar árið 2007
Styrkveitingar árið 2006
