Áfram


Prentvæn útgáfa
go

16. október 2013
Samál hlaut bronsviðurkenningu fyrir stjórnun klasa á Íslandi

Á ráðstefnu á vegum Rannís, sem haldin var 3. október sl., hlutu níu íslenskir klasar svokallaða bronsviðurkenningu fyrir stjórnun klasa. Það eru evrópsku samtökin European Cluster Excellence Initiative (ECEI) sem  veita verðlaunin en Rannís veitir vottunina hér á landi.

Samál eru hagsmunasamtök álfyrirtækja á Íslandi en markmið þeirra er að vinna að hagsmunum og framþróun íslensks áliðnaðar og efla upplýsingastreymi og fræðslu um áliðnaðinn. Núverandi aðilar að Samál eru Alcan á Íslandi, Alcoa á Íslandi og Norðurál.
 
Í fréttatilkynningu frá Rannís segir m.a.:

Klasarnir sem fengu viðurkenninguna eru:
Air 66, flug og ferðamál
Álklasinn, álframleiðsla og vinnsla
Edda – öndvegissetur, rannsóknasetur í gagnrýnum samtímarannsóknum
GEORG, jarðhitarannsóknir
Icelandic Geothermal Cluster, málefni jarðvarma í víðu samhengi
Katla Geopark, ferða- og atvinnumál
Ríki Vatnajökuls, atvinnumál og menningarþróun á svæði Vatnajökuls
Sjávarklasinn, fiskveiðar og vinnsla
Vitvélasetur Íslands, rannsóknir í upplýsingatækni og gerfigreind
 
Klasahugtakið er ekki alveg nýtt á nálinni, enda má segja að klasar séu nánast náttúruleg fyrirbæri í atvinnulífinu. Klasastarf á Íslandi fer vaxandi og má finna dæmi um klasa í flestum atvinnugreinum um allt land. Þegar aðilar sem vinna að framþróun atvinnugreina stilla saman strengi sína, svo sem fyrirtæki í greininni, stuðningsaðilar og opinberir aðilar, myndast ákveðin skilvirkni og afköst aukast. Kostir þess að sameina krafta fyrirtækja í vissum greinum eru meðal annars þeir að rannsóknastarf og þróun afurða er líklegri til að skila árangri ef fleiri sameina krafta sína.
 
Bronsmerkið er kennt við verkefnið European Cluster Excellence Initiative (ECEI) en aðeins tæplega 500 evrópskir klasa hafa fengið það afhent. Viðurkenningin er veitt að undangenginni úttekt á vegum European Secretariat for Cluster Analysis, en þau hafa, í samstarfi við Rannís, rannsakað um tug íslenskra klasa og klasastjóra hér á landi. Þeir hafa allir verið taldir vinna ötult starf í þágu klasana og verðskulda því viðurkenninguna, sk. Bronsmerki fyrir klasastjórnun (Cluster Managament Excellence). Þetta merki er einungis veitt þeim klösum sem unnið hafa frábært starf í þágu atvinnugreina.
 
Í rannsókninni kom fram að klasastjórnun á Íslandi er í jákvæðum farvegi. Stjórnun klasa og aðgengi klasastjóra að starfsfólki með viðeigandi færni eru til fyrirmyndar og tengsl í góðum farvegi. Þótt fjármögnun sé ákveðið vandamál hefur þessum klösum jafnan tekist að fjármagna starf sitt og tryggja þeim fé fram í tímann. Stefnumótun klasastjóra á Íslandi er almennt góð, en auka þyrfti þarf símenntun starfsmanna og að auka vitund almennings á starfi klasa.




Smelltu á myndina til þess að stækka hana.


Rannís veitir viðurkenningarnar


Á myndinni eru fulltrúar frá Rannís og þeim klasahópum sem hlutu viðurkenningarnar.


Heimasíða Samáls


Á heimasíðu Samáls er að finna ýmsar upplýsingar um áliðnaðinn á Íslandi.
fara á heimasíðu Samáls