 |
|
|
|
|
Prentvæn útgáfa
 go
|
|
13. apríl 2010
Hlaut Gulleggið í ár
Sprotafyrirtækið Remake Electric hlaut Gulleggið 2010 með sigri í frumkvöðlakeppni Innovit. Alls voru 300 hugmyndir skráðar til leiks. Alcoa Fjarðaál var meðal þeirra fyrirtækja sem styrktu keppnina í ár.
Remake Electric hefur þróað nýja og byltingarkennda tegund rafskynjara sem stefnt er að að setja á heimsmarkað á næstu misserum. Rafskynjarinn er í raun ný kynslóð af rafmagnsöryggjum og hefur rauntímavísun í stöðu rafmagnsálags ásamt hljóðviðvörun vegna yfirálags, sem eykur líkur á að unnt sé að fyrirbyggja eldsvoða af völdum rafmagns. Upplýsingar frá rafskynjaranum gera notendum einnig kleift að skilja, stjórna og hagræða rafmagnsnotkun sinni til að auka öryggi í rekstri, bæta framleiðni rafmagns og spara með því að draga úr rafmagnsnotkun.
Fyrir sigurinn hlaut Remake Electric eina milljón króna í peningaverðlaun, veglega ráðgjöf frá Innovit og verðlaunagripinn Gulleggið, sem Ásdís Jörundsdóttir, nemi í Listaháskóla Íslands, hannaði.
Katrín Jakobsdóttir menntamálaráðherra afhenti sigurlaunin við fjölmenna athöfn á Háskólatorgi. Tómas Már Sigurðsson, forstjóri Alcoa, sat í dómnefnd frumkvöðlakeppninnar.
|
|
|
|
|
