Prentvæn útgáfa
 go
|
|
23. febrúar 2010
Leikskólabörn fræðast um öryggismál
Leikskólabörn frá leikskólanum Lyngholti á Reyðarfirði gáfu Alcoa Fjarðaáli listaverk og fræddust um öryggismál í heimsókn sinni í fyrirtækið nýverið. Heimsóknin var í tilefni af degi leikskólans 6. febrúar, sem haldinn er í tilefni þess að þann dag árið 1950 stofnuðu leikskólakennarar fyrstu samtök sín.
Börnin voru úr efstu deild leikskólans og komu færandi hendi með myndir sem þau hengdu upp í starfsmannahúsi álversins. Þau fengu kynningu á öryggismálum hjá Alcoa, og fengu aðgangspassa, hjálma og gleraugu eins og aðrir gestir álversins.
Eftir að uppsetningu listasýningarinnar lauk var hópmyndataka og svo lá leiðin í mötuneyti fyrirtækisins á þriðju hæð þar sem boðið var upp á mjólk og kleinur og djús.
|
|
|
