Prentvæn útgáfa
 go
|
|
3. nóvember 2009
Alcoa tekur þátt í hönnun og smíði farþegaþotu í Kína
Kínverski flugvélaframleiðandinn COMAC hefur ákveðið að framleiða nýja farþegaþotu, C919, sem á að geta flutt 190 farþega. Þotan á að hefja sig fyrst til flugs 2014 en farþegaflug hefst 2016.
Alcoa og COMAC kynntu nýverið samkomulag um að vinna að tækniþróun og hönnun C919. Fyrirtækin munu vinna saman að gerð burðarvirkis, ytri álklæðningar og notkun ýmissa álhluta við smíði farþegaþotunnar.
Þotan C919 verður smíðuð í Shanghæ en hlutir í hana verða bæði framleiddir í Kína og víða um heim. Þotan verður stærsta farþegaþotan sem framleidd hefur verið í Kína en mikill vöxtur hefur verið í farþegaflugi bæði þar innanlands og Asíu almennt. Eftirlíking af þotunni var frumsýnd á alþjóðlegu flugvélasýningunni í Hong Kong nýverið.
Alcoa er með starfsemi á 15 stöðum í Kína og hefur framleitt ýmsa flugvélahluti í kínverskar farþegaþotur eins og ARJ21-700.
|
|
|
