Störf í boði

 

Við leitum að góðu fólki í framleiðslustörf
Við leitum ávallt að duglegu og áreiðanlegu fólki til starfa í kerskála, skautsmiðju og steypuskála. Starfsmenn þurfa að hafa náð 18 ára aldri og vera komnir með bílpróf. Öryggiskröfur í álverinu eru mjög strangar.

 

Sum störf fela eingöngu í sér dagvinnu en á flestum stöðum í álverinu er unnið á vöktum sem gefa ágætar tekjur og drjúgan frítíma. 

 

Í kjölfar nýrra kjarasamninga hjá Fjarðaáli skapast tækifæri til að taka upp nýtt vaktakerfi. Frá 1. mars 2016 verður unnið á 8 tíma vöktum í álveri Alcoa Fjarðaáls í stað 12 tíma vakta áður. Þannig minnkum við vinnuálag og auðveldum starfsmönnum að ná jafnvægi milli vinnu og einkalífs. Vaktaplanið sem gildir til 31. janúar 2017 má sjá hér fyrir neðan. Ath. að í janúar og febrúar gildir það aðeins um skautsmiðju (vaktir A-I) en frá og með 1. mars á það við alla vaktavinnu í álverinu (vaktir A, B, C og D).

 

Vaktaplan fyrir 8 tíma vaktir 2016-2017

 

Ráðningarferli 
Við leggjum mjög mikið upp úr því að finna rétt fólk í rétt störf, en jafnfram reynum við að stytta ráðningarferlið eins og frekast er kostur. Ráðningarferlið er staðlað þannig að allar umsóknir og allir umsækjendur fá sömu meðferð. Hægt er að leita frekari upplýsinga í síma 470 7700 eða með því að senda póst á „starf (hjá) alcoa.com.“ Á ráðningarvefnum okkar er hægt að sjá laus störf og sækja um starf hjá fyrirtækinu.

 

Almennar kröfur til allra starfsmanna
Alcoa Fjarðaál leitar ekki bara að fólki með rétta hæfni og menntun heldur er jafnmikil áhersla lögð á lífsgildi, eiginleika og mannkosti verðandi starfsmanna.  Fyrirtækið gerir þær kröfur að allir starfsmenn búi yfir
 - færni í mannlegum samskiptum
 - vilja til að starfa í teymum með jafningjum 
 - jákvæðni og virðingu fyrir öðrum
 - vilja til að leita stöðugra endurbóta
 - frumkvæði og sjálfstæði í vinnubrögðum
 - vilja til að takast á við fjölbreytt og krefjandi verkefni

 

Fríar rútuferðir
Alcoa Fjarðaál býður starfsmönnum, bæði vaktavinnu- og dagvinnufólki, upp á ókeypis ferðir til og frá vinnu. Ekið er til og frá þessum stöðum:

  • Fellabær
  • Egilsstaðir
  • Seyðisfjörður
  • Stöðvarfjörður
  • Fáskrúðsfjörður
  • Neskaupstaður
  • Eskifjörður
  • Reyðarfjörður

1


 

RÁÐNINGARVEFURINN - LAUS STÖRF

Til að skoða síðu með umsóknareyðublöðum fyrir laus störf hjá Alcoa Fjarðaáli, hvort sem um sumarstarf eða framtíðarstarf að ræða, smelltu á myndina af ráðningarvefnum hér fyrir ofan.  

 

 


Vinnustaðasamningur

Alcoa Fjarðaál sf., AFL-Starfsgreinafélag Austurlands og Rafiðnaðarsamband Íslands skrifuðu þann 17. júlí 2015 undir nýjan vinnustaðasamning sín á milli.  Samningurinn gildir til fimm ára frá 1. mars 2015. Hægt er að skoða samninginn hér og prenta út ef vill.

 

skoða samning (PDF)