Januar 2013
Inernerit siulliit takutippaat suliniutip siunnersuutigineqartup immikkoortuisa ilai nukissiornerup pissarsiarinissaanut, sanaartornermut attaveqaatinullu tunngasut suli misissoqqittariaqartut. Tamanna maanna piareersarneqarpoq Namminersorlutik Oqartussat Naalakkersuisui Alcoalu suleqatigiillutik periarfissaasinnasut tamaasa nalilersornerisigut. Periarfissaasinnaasut ilaat isumaliutigineqartut tassaapput suliniutip sivitsorneqarsinnaaneranik periarfissiisut allalli iluaqutaasinnaasunik periarfissiillutik sivitsuutaasinnaasumik annikillisaanikkut. Avatangiisinut, inuiaqatigiinnut aamma peqqinnermut sunniutaasinnaasut nalilersornerannik (VVM) ingerlaneq unikaallatsinneqarallarsimavoq suliniutip siunnerfissaata qanoq ittoorpiarnissaanik oqaasertaliornissaa periarfissikkumallugu. Kalaallit Nunaanni Inatsisartut ukiakkut 2012-imi ataatsimiinnerminni inatsit akuersissutigaat Kalaallit Nunaanni suliniutit angisuut piviusunngussagaluarpata ineriartortinnissaannut sinaakkutissat sorpiaaneri nassuiaaserlugit. Naalakkersuisut aluminiumik suliniuteqarluni misissuinernik amerlanerusunik ingerlatsinissaannut piginnaatitaanerat Inatsisartut aamma uppernarsaqqippaat. Sinaakkusiisumik inatsisiliornerup suliniutip siunnersuutigineqartup piviusunngortissinnaaneranut sunniutai nalilersorniarlugit Alcoap Kalaallit Naalakkersuisui isumasioqatigissavai.

Oktober 2009
ERM-ip avatangiisinut, inooqatigiinnermut aamma peqqinnermut sunniutissat nalilersornerat (EIA) siunnerfigalugu avatangiisitigut aallaaviusunik misissuineq ingerlateqqippaa, september naajartulersoq illoqarfiit nunaqarfiillu tikittarlugit. Aamma eqalunnik misissuineq septemberimi ingerlanneqarpoq.

Erngup nukinganik innaallagissiorfiliorfigineqarsinnaasuni marlunni, Maniitsup qeqertaani aatsitsiviliorfissami aamma kabelit aqqutissaanni ornigulluni misissuinerit teknologiimut tunngasut ingerlateqqinneqarsimapput. Paasissutissat amerlanerusut oktoberimi teknikikkut misissuinerit pillugit nutaarsiassani kingullerni atuarneqarsinnaassapput. orniguk

Suliniutip sumut killinnera pillugu tamanut ammasunik ataatsimiisitsinissat qaqugu pissanersut Innuttaasunik Ataatsimiisitsinerit quppernerannut paasiniaagit.

Juuni 2009
Juunimi sapaatit akunneri kingulliit marluk ERM-imi misissuisartoqatigiit Kalaallit Nunaanni angalapput, paasissutissanik avatagiisit, inooqatigiinnerup, peqqinnerullu sunnerneqarsinnaanerinik misissuinernut (EIA) tunngassunik katersuillutik alumiiniumik aatsitsivissamik suliniummut siunnersuutaasumut tunngatillugu, kiisalu EIA -p ingerlannerani inuiaqatigiit suleqatiginninnissaannik aallarniillutik. ERM-p inuit arlallit suleqatigai Kalaallit Nunaanni naalakkersuisunut ilaasortat ilaasortaanngitsullu EIA -p ingerlanneqarnerani.

Nuummut Qeqqatalu kommuunianut Kristjan Halldorssonip, qanittukkut Kalaallit Nunaani Alcoamit aallartitatut atorfinitsitaasoq, misissuiartoqatigiit angalaqatigai.

EIA-p piffinni misissuinerinut paasissutissat annertunerit uani atuakkit. orniguk

februar 2009
Silasiut aatsitsivissatut siunnersuutigineqartumi ikkussuunneqarpoq, taassuma silap pissusaa soorlu issisiut, anorimut uuttortaat aammalu anorip sammivianik uuttortaassaaq. Paasissutissat katersorneqartut aatsitsiviup titartarneqarnissaani atorneqassapput.

Februarip 19-iani Maniitsumi sumiiffimmi innuttaasut suleqatigiissitalianik arlariinnik pilersitsipput. Suleqatigiissitat pineqartut illoqarfiup pilersaarusiorneranut tunngasunik pilersaarusiassanik missingiutinik aallarniutaasunik Maniitsumi poorski sioqqullugu saqqummiunneqassapput.

Aammattaaq Februarip 19-iani Alcoa Kalaallit Nunaat sulisoq 8. -9. Klassit Kilaaseeqqap Atuarfiani Maniitsumi pulaarpoq. Atuartut arlariit aatsitsivissatut siunnersuutigineqartoq pillugu sulianik atuarfimminni ingerlatsissapput.

augusti 2008
Piniartut aalisartullu kinguuaariippassuarni ilisimalersimasaat paasisaqarfigiumallugit ERM - tassa siunnersuisarfik aatsitsiviliorneq pillugu Alcoamik suleqateqartuusoq - Kalaallit Nunaanni Aalisartut Piniartullu Kattuffiata sinniisuinik Maniitsumi augustip 20-ianni 21-iannilu apersuisaqattaarpoq. Oqaloqateqarnerni kuuit tatsillu, eqaluit aammalu sinerissap tamatuma aalisagai, arferit, tuttut umimmaallu innaallagissiorfiliornermit sunnerneqarsinnaasut oqaloqatigiissutigineqartarput.

juulip 2008
Aluminiuliorfiliornikkut Kalaallit Nunaata aningaasaqarniarnerata nutaanerusup siammasinnerulersinneqarnissaa nukittorsarneqarnissaalu misissorneqaleruttortut piniariat tammaarsimaffitoqaat nassaarineqarpoq.

Innaallagissiorfissarsuup kujataatungaani qillerivissanik misissuitillutik Katersugaasivimmeersut eqalunniat tuttunniallu tammaarfitoqaannik nassaarput. Alcoap qilleriffissaq nassaarfimmiit ingalaamisillugu tammaarfitoqaq nunap assiliamini "akornusersorneqartussaanngitsutut" nalunaaqqutsersorpaa. Katersugaasivik 2008-imi augustimi tamaani misissuissaaq, misissuinerlu naammasseriarpat paasisat 2009-ip aallartilaarnerani saqqummiunneqarumaarput.

maaji 2008
Inatsisartut Alcoa suleqatigalugu Kalaallit Nunaanni aluminiuliorfimmik silarsuarmi pitsaanerpaanut ilaasumik avatangiisinillu mianerinniffiusumik pilersitsisoqarsinnaaneranik misissuinerit immikkoortuisa aappaannut ingerlariaqqinnissamik aalajangiipput.

Maniitsumi ukiumut 340.000 tonsimik suliaqarsinnaasumik aatsitsiviliortoqarnissaanik Naalakkersuisut inassuteqaataat Inatsisartunit tapersersorluarneqaqaaq aningaasarpassuarnillu ataatsimoorluni misissuinissamut immikkoortitsivigineqarluni. Misissuinerit tamakku, 2009-imi ingerlasussat, sanaartugassatut siunnersuutigineqartut aningaasaqarnermut, inooqatigiinnermut avatangiisinullu sunniutissaanik sukumiisumik misissuiffiussapput. Inatsisartut suliamut tassunga Kalaallit Nunaata piginneqataanera oqaluuserissallugu 2009-imi katersuuteqqinnissaat naatsorsuutigineqarpoq.

januar 2008
Maannamut misissuisimanerit tunngavigalugit aluminiuliorfimmut atatillugu Namminersornerullutik Oqartussat avatangiisinik naliliinerugallarnitik tamanut misissugassanngorlugit saqqummiuppaat.

Maannammut misissuinerni aatsitsiviliassatut siunnersuutigineqartup avatangiisinut sunniutissai ataatsimut naliliiffigineqartarput. Misissuinerit taakku nunap ilaani misissuinernik qanganitsanillu misissuinernik ilaqartinneqassapput 2008 aamma 2009-imi ingerlanneqartussanik. Aatsitsiviliorfissat, erngup nukinganik nukissiorfiliorfissat kiisalu innaallagissamik sakkortusaaviit aalajangerneqarsimaleriarpata taava sumiiffiit aalajangersimasut, avatangiisit, inooqatigiinnerup aammalu peqqissutsip qanoq sunnerneqarnissaat pillugit naliliiffiusumik misissuisoqarumaarpoq. Misissuinerit tamakku suliniutip pisortaniit akuerineqarnissaani pinngitsoorneqarsinnaanngillat.

Avatangiisinik naliliineq pillugu nalunaarusiaq aajuk (Tuluttut) orniguk

septemberi 2007
Avannaarsuata aasaa nalliummalli Alcoa qasseeriarluni Kalaallit Nunaata kitaani imeqarfinnik misissuisarpoq kuuit suliffeqarfissuup aluminiumik aatsitseriviliarilersaagaanut innaallagiaqartitsisuusinnaasut tunniussinnaasaat paasiumallugit.

Misissuinermissaaq paasiniarneqarpoq imermik innaallagissiorfiit ataasiakkaat, ataatsimoorlutik aatsiteriviliarilersaakkamut nukissiortussaasut, sananeqassappata suut suliarisariaqarumaarnersut. Kommunini pingasuni aatsiteriviliorfiusinnaasutut eqqarsaatigineqartut tamarmik imermik innaallagissiorfinnik qassiinik nukissiortoqartariaqarput.

Imermik innaallagassiornermut immikkut ilisimasallit nunanit tamalaaneersut, aamma PB Powerimeersut, kiisalu kalaallit suliffeqarfiutaannit Asiameersut kiisalu Inuit Servicemeersut sulinermut peqataapput.

Paasisat siulliit isumalluarnartoqarput, qaammallu manna naappat nunami misissuinerit naammasseriarpata naatsorsuiniviit pilersaarusiorniviillu aallarnerneqarumaarput. Sumiiffissaq atorsinnaasoq toqqarneqareeriaruni sukumiisumik tamanullu ammasumik avatangiisitigut nalilersuiffigineqalissaaq.




Assi toorlugu allisiguk.


Erngup nukinganik
innaallagissiorfissami
avannarlermi (7e)
qilleriviliaq




Assi toorlugu allisiguk.


Itilleq



Assi toorlugu allisiguk.


Aatsitsivissatut
siunnersuutigineqartumi
silasiut ikkussuunneqartoq.




Assi toorlugu allisiguk.


Maniitsumi suleqatigiissitaat
ilaat.




Assi toorlugu allisiguk.


Atuartut Kilaaseeqqap
Atuarfiani atuartuusut




Assi toorlugu allisiguk.


Aggustimi 2008-mi
aalisartut paasiniaaffigai




Assi toorlugu allisiguk.


PB Powerimi ingeniøri
Mike McCaffrey
aammalu Asiami imilerisoq
Dorthe Petersen