Suliffeqarfipput aammalu Kalaallit Nunaanni suliavut pillugit innuttaasut, suleqatigiiffiit, naalakkersuisut aammalu suliniaqatigiiffiit naalakkersuisutigoortuunngitsut ammasumik isertuanngitsumillu oqaloqatigisarniarlugit pisussaaffilersimavugut

Tulliuttut tassaapput ataatsimiittarnerit tikeraarnerillu ingerlassimasavut.

Siusinnerusukkut Ataatsimiinnerit

6.-7. Septemberi, 2011
Maniitsumi Alcoap saqqummiussaa, aluminiu pillugu suliniuteqarneq qiteralugu paasiniaaqatigiinneq Inuussutissarsiornermut Suliffeqarnermullu Naalakkersuisoqarfimmit aamma Qeqqata Kommunianit aningaasalerneqarluni ingerlanneqartoq.

Alcoap saqqummiussaa aajuk

30.-31. Oktober, 2010
Greenland Developmentip, Qeqqata Kommuniata, Maniitsup illoqarfiani suliniaqatigiit aamma Alcoap aallartitai ataatsimoorlutik nunaqarfiit Maniitsup eqqaaniittut pingasut angalaffigisimavaat – Atammik, Napasoq aamma Kangaamiut. Angalaqatigiit aluminiuliorfissamik suliniut aamma Maniitsup illoqarfiani suliniaqatigiit suliaqarneri sumut killissimanersut paasisitsissutigaat sumiiffinnilu najugallit siunersiorlugit. Maniitsumi lokalradiomi tusagassiortoq angalaqataavoq saqqummiussinerit nunaqarfinnilu ataatsimiisitsinerni oqallinnerit immiukkumallugit.

18.-21. Januar, 2010
Innuttaasunik ataatsimiisitsinerit Nuummi, Maniitsumi, Sisimiuni aamma Kangerlussuarmi ingerlanneqarput Greenland Development aamma Alcoa Kalaallit Nunaanni aluminiumik aatsitsivissamik silarsuarmi pitsaanerpaat ilaannik pilersitsiniarnerannut atatillugu misissuinerit naammassineqarsinnaassusermut tunngasut sumut killinnerisa nalunaarnissaanut periarfissinniarlugit, aammattaaq soqutiginnitsinit suliniummut siunnersuutigineqartumut apeqqutinik oqaaseqaatinillu pissarsiorniarlutik. Inuit 400-nik amerlanerusut ataatsimiinnerni peqataapput.

Ataatsimiinnernit takussutissiat paasissutissartallit aamma saqqummiussat uku aaneqarsinnaapput:
7.-12.-iat. Februaarip 2009
Kalaallit Nunaanni Namminersornerullutik Oqartussat, Greenland Development aammalu Alcoa Aasianni Ilulissanilu innuttaasunik ataatsimiisitsipput, Kalaallit Nunaani aatsitsivissap siunnersuutigineqartup suliniutit killiffiinik ilisimatitsissuteqarlutik, tamatumanilu innuttaasut oqariartuutaanik apeqquteqaataanillu ujartuiutigalutik. Avatangiisinut sunniutissat nalilersorneqarnerinut nalunaarusiaq missingiutaasoq saqqummiunneqarportaaq.

19.-20.-22. Januar 2009
Greenland Development Alcoa-lu Maniitsumi Sisimiuni Nuummilu innuttaasunik ataatsimiisitsipput, aatsitsivissatut siunnersuutigineqartumut suliniutit killiffiit aammalu avatangiisinut sunniutissat pillugit missingiummut oqaaseqaatit apeqqutillu ujartorlugit. ERM, avatangiisinut sunniutissat pillugit siunnersuisartut (ASN) aatsitsivimmut siunnersuummut atatillugu avatangiisinut sunniutissat pillugit missingiut ilanngullugu saqqummiunneqarpoq, tamatumani avatangiisinut sunniutissat pillugit misissuinerit killiffiit pillugit saqqummiunneqarlutik.

21.-22. Septemberi 2008
Alcoa, suliffeqarfiutillit avatagiisinut misissuisartuat, Environmental Resources Management, kiisalu Greenland Development, inunnik ataatsimiititsipput Maniitsumi Sisimiunilu suliniutip sumut killinnera, avatagiisinullu tunngasunik, peqqinnermut tunngasunik, upalungaarsimanermullu tunngasunik apeqqutinik akissuteqarlutik.

24.-26. Juulip ullui 2008
Alcoap sinniisui kiisalu avatangiisinik naliliisartut Avatangiisinik Aqutsinermut Siunnersuisarfimmeersut Maniitsumi, Kangaamiuni Nuummilu tamanut ammasumik ataatsimiititsillutik suliniutip killiffia oqaluttuaraat kiisalu innuttaasut apeqqutaat oqaaseqaatissaallu tusarniarlugillu akissuteqarfigisarpaat aatsiterivissatullu siunnersuutip avatangiisinut suliffissaqartitsinermullu tunngasortaat oqaluuseralugit. Ataatsimiinnermissaaq suliffeqarfissuup sinniisui niuertunik, aalisartut piniartullu kattuffiinik, aammalu soqutigisaqaqatigiinnik allanik naapitsinissaminnut periarfissaqarput.

8.-15. Januar 2008
Avatangiisinik naliliinerit massakkut Namminersornerullutik Oqartussanit inaarsarneqartut oqaluuseriniarlugit Nuummi, Maniitsumi Sisimiunilu innuttaasunik ataatsimiititsisoqartarpoq. Greenland Developmentittaaq suliniummi tamatumani qanoq inissisimaniini nassuiaatigisarpaa kiisalu avatangiisinik naliliinerup aatsitsiviliornerullu nalaakkersuinikkut qanoq ingerlanneqarnera nassuiaatigisarlugit. Ataatsimiititsinerni tamani inuit 160-it sinnillit peqataasimapput—Kalaallit Nunaanni ataatsimiinnerni taama ittuni aatsaat taama peqataasoqartigaaq

27.-29. Aggusti 2007
Alcoap aatsiteriviliariniagai imermillu innaallagissiorfiliariniagai pillugit tamanut ammasumik Sisimiuni, Nuummi aammalu Maniitsumi ataatsimiititsisoqarmat innuttaasut 120 sinnillit peqataapput. Suliniut kiisalu avatangiisit pillugit misissuinernit paasisaagallartut saqqummiunneqarmata Klaus Hansen Namminersornerullutik Oqartussat Avatangisinut Pinngortitamullu Pisortaqarfianneersoq, kommunit pingasut borgmesterii aammalu atorfillit qinikkallu allat Alcoap atorfilittaanit peqatigineqarput.

Ataatsimiinnermi oqaluuserisat takukkit (Tuluttut) ingerlagit

25.-28. Juni 2007
Ingerlatsiviit sumiiffissaat pilersaarusiorniarlugit Alcoap avatangiisinut ingeniøritullu suliassanut immikkut piginnaanilittaasa Kalaallit Nunaanni suleqatititk suleqatigilerpaat.

23.-28. Marts 2007
Sisimiuni, Maniitsumi Nuummilu aqutsisut naapinniarlugit kiisalu aatsitsiviliorfissatut kommuninit piukkunneqartut nalilersorniarlugit Alcoameersut qaffasissumik atorfillit sisamat Kalaallit Nunaannut tikeraarput.

19.-20. Februar 2007
Naalakkersuisut siulittaasuat, Inuussutissarsiornermut naalakkersuisoq kiisalu naalakkersuisut allat Canadami Deschambaultimi Alcoap aatsiterivianut paasisassarsiorput. Tikeraat ilaat allat tassaapput Aningaasaqarnermut aammalu Inuussutissarsiornermut ataatsimiititaliaq kiisalu Sisimiut, Maniitsup Nuullu borgmesterii.

8.-11. Januar 2007
Inuussutissarsiornermut Naalakkersuisoq kiisalu Sisimiuniit, Maniitsumi aammalu Nuummiit aallartitat Alcoap Islandimi Fjardaalimi aatsitsiviliaa aammalu imermik nukissiortik tassunga atasoq paasisassarsiorfigaat tamaanilu oqartussat naapillugt.

3.-5. Septemberi 2006
Inuussutisarsiornermut Naalakkersuisup Brasiliami São Luís Alcoap aatitsivia Alumar tikeraarpaat.

Avatangiisinut Sunniutaasunik Naliliineq (ASN)aaneqarsinnaavoq.


Avatangiisinut sunniutaasunik naliliineq aatsitsivissatut siunnersuutigineqartumut tunngasoq aasinnaavat
orniguk



Assi toorlugu allisiguk.


Maniitsup nunataani aatsitsiviliorfissatut siunnersuutigisaq.




Assi toorlugu allisiguk.


Oktoberimi 2010-mi nunaqarfinnut pingasunut angalaqataasut




Assi toorlugu allisiguk.


Aasiaat Gymnasium
Greenland




Assi toorlugu allisiguk.


Prep school Ilulissat
Greenland




Assi toorlugu allisiguk.


Innuttaasunik
ataatsimiisitsinngermi
Qeqqata Kommunia
ataatsimeeqatigineqarportaaq.




Assi toorlugu allisiguk.


Septemberi 2008 meeting
in Maniitsoq




Assi toorlugu allisiguk.


Mars 2007-imi misissuinerit




Assi toorlugu allisiguk.


Sisimiut




Assi toorlugu allisiguk.


Maniitsoq




Assi toorlugu allisiguk.


Nuuk