Aatsiteriviliassatut siunnersuutigisaq

Aluminiumik aatsiterivik sunaana?
Aluminiuliorfinni nutaaliaasuni aluminium oxid—aluminiussatut aluminatut ilisimaneqartoq—uunnaavissuarni aamarsuarmik qalligaasuni orsugialerlugu innaallagialerneqartarpoq. Taava aluminium aassimasoq naqqanut kivisarpoq kuitsivinnullu ingerlatassanngorlugu kitsinneqartarluni, taakkulu aluminiumik assigiinngitsunik nioqqutissiassanngortinneqartarput.

Paasissutissat allat:

Alcoa qassinik aluminiumik aatsiteriveqarpa?
Nunarsuarmi aatsiteriviit 25-it amerlanerusut ingerlatarinngikkutsigit annerusumik piginneqataaffigisavut makkunaniipput: Australia, Canada, Norge, USA, Italia, Spania, Island aammalu Brasilia. Aatsiteriviit taakku nunarsuarmi isumannaannernut ilaapput avatangiisitigullu sakkortuunik piumasaqaateqarfigineqarlutik. Ilaat avatangiisitigut, peqqinnissakkut aammalu isumannaallisaanikkut nersornaatisisarput. Inoqarfinni najukkaminni isigineqarluartuupput aammalu inoqarfimmi najukkaminni inooqatigiinnermut aningaasarsiornermullu ilanngutivissimasarlutik.

Avatangiisinik, peqqissusermik aammalu isumannaallisaanermik aqutsissagaanni eqqumalluartuunissaq paasilluarparput, soorlulu sumiluunniit pisartugut aamma Kalaallit Nunaanni taamaaliortarumaarpugut.

Anode atorlugu suliffissuarni kuisisarfinni qanoq pisoqartarpa?
Anodet tassaapput aamarsuit issoqqaarissut aatsitsinermi atorneqartartut. Anodenik sanaartorneq aatsiterinermi suliani salliit ilaattut naatsorsuunneqartarpoq. Kuisiveqarfimmi aluminiu aassimasoq aatsiterivimmeersoq kusivinni issoqqaarissukkaanngorlugu kuiorarneqartarpoq.

Sooq Alcoa Kalaallit Nunaanni aatsitsiviliorusuppa?
Kalaallit Nunaanni nutaaliaasumik innaallagissiorfittalimmik aluminiuleriviliornermi aatsiteriviup toqqammaviliinissaanik naalakkersuisut isumaqatigaavut. Inuussutissarsiut taanna suliffinnik akissarsilluarnartunik, ungasissumut atasussanik, aalaakkaasunik aammalu ilinniarsimaffiusariaqartunik inoqarfinnut tunniussisussaavoq.

Kalaallit Nunaanni nukissiornermi akit unammillersinnaasut, nunap Europami Amerikamilu Avannarlermi tunitsivinnut annertoqisut akornanniilluni inissisimalluarnera, aammalu nukik imermik innaallagissiorfimmeersoq mingunnanngitsumik nukissiutitut pissarsiarineqarsinnaanera pissutigalugit suliffissuarmik taama ittumik pilersitsivigissallugu piukkunnarluartuuvoq.

Paasissutissat allat:
Aatsiterivik inoqarfinnut sunik tunniussaqassava?
Suliniutissatut siunnersuutigineqartukkut inoqarfiit suliffissarpassuarnik tunineqassapput. Aatsiteriviullu ingerlanneqarnerani aserfallatsaalineqarneranilui inuit 600 missaat sungiusassavagut atorfinitsillugillu. Sulisut sapinngisamik amerlasuut nunaqavissuunissaat siunertaraarput. Sulisussat naleqquttut aalaakkaasumik, atuuttuartussamik akilerluagaasumillu suliffissarsissapput.

Aluminiuliorfivut nutaaliaasut sungiusarsimasunik pikkorissunillu sulisoqartariaqarput. Nunaqavissut aatsiterivinni piginnaanerisariaqakkanik piginnaaneqalernissaat qularnaarumallugu Kalaallit Nunaanni ilinniarfiit tapersersorniarlugit qanittumillu suleqatiginiarlugit pilersaarutigaarput. Brasiliami São Luís suliffeqarfiutivut aallartikkatsigit sulisutta 65%-ii tassaapput nunaqavissut sungiusarneqaqqammersut aluminiumik tunisassiornermik siornagut misilittagaqarsimanngitsut. Ullumikkut São Luís sulisuusut 90%-iinit amerlanerusut tamatuma eqqaaneersuupput. Kalaallit Nunaanni taama iluatsilluartiginissarput anguniakkatta annersaraat.

Aatsiterivissatut siunnersuutigineqartoq sumiiffinni aalajangersimasuni najugalinnut eqqaamiuinullu aningaasarsiornikkut, ilinniartitaanikkut piginnaanngorsarnikkullu nutaanik periarfissiissaaq kiisalu nunap ilaani tamaani tamarmi suliffeqarfiit sullissisartuusut massakkut piusut pinngorumaartullu niuerfissaqarluartilissallugit. Aammattaaq suliniut inuiaqatigiit atortorissaarutaannik, soorlu aqqusinernik, atuarfinnik, napparsimavinnik, aammalu timersortarfinnik kulturimillu sammisaqarfinnik pilersitseqataassaaq.

Paasissutissat allat:

Aatsitsinikkut aluminiuliorneq pillugu teknikkikut allaaserisaq
Aatsitsilluni aluminiuliorneq, aamma akuutissat qisuariartarneri piartuaartitsinerillu immikkuualuttortaat pillugit itisuumik oqallinneq. (Tuluttut)

Orniguk

Pisariaqartitatit nassaarisimanngikkukkit attavigitigut
Orniguk