 |
|
|
|
|
|
|
|
2007-12-05
Nammineq kajumissutsimik sulinermut silarsuarmiut ullorititaat malunnartinniarlugu Alcoap sulisuni 2007-imi qaammat tamaat silarsuarmi tamarmi suliniarnermi aatsaat taama angusaqartiginerat pillugu nersorniarpai
|
|
|
PITTSBURGH--(BUSINESS WIRE)--2007-imi oktoberimi Alcoami sulisut silarsuaq tamakkerlugu kajumissutsimnnik sullisarnerannut atatillugu oktoberip sullissinermut qaammatitut sammisaqarfigineqarnerani inuit 47.000 sinneqartut aatsaat taama amerlatiginerat Alcoamit (NYSE:AA) aammalu Alcoap Aningaasaateqarfianit ullumi nalunaarutigineqarpoq. Silarsuaq tamakkerlugu sullissinermut qaammatigititaq maanna ukiut aappassaat suliffeqarfiit silarsuarmi ingerlatsiviini tamalaani ingerlanneqarpoq Alcoap sulisuisa nunaqqatimik akornanni namminneq kajumissutsiminnik sulinerminni tunniusimanerat angusaallu nersorniarlugit.
"Alcoa nunaqqatigiinni" qulequtaralugu peqataaneq ukioq manna 2006-imut sanilliullugu pingajorarterutingajammik alleriarsimavoq. Nunani 36-ini nunaqqatigiinni 200-ini aaqqissuussinerni 780-init amerlanerusuni Alcoap aqutsisui qulliunerusut peqataalluartarsimapput.Alcoap sulisui namminneq kajumissutsiminnik sulisut nunaqqatiminnut sapinngisamik annerpaamik angusaqarniarlutik suliniaqatigiiffinnik iluanaarniartuunngitsunik, eqqaamioriinnik, naalakkersuisuni sulisunik, aammalu ilaqutaasunik suleqateqartarput. Nammineq kajumissutsimik sulinermi nunaqqatigiinni najugaqartut 37.000-ingajaat sullinneqarsimavoq, orpiit 12.000 sinnillit ikkunneqarsimallutik, kiisalu atuarfiit 200-ingajaat toqqaanartumik sullinneqarsimallutik. Aaqqissuussinerit ilarpassui suliniaqatigiiffiit naalakkersuisutigoortuunngitsut (NGO-t) Alcoap sulisuisuinit ukioq kaajallullugu nammineq kajumissutsimik suliffigineqartartut aammalu Alcoap Aningaasaateqarfianit suliniarnermut nersuiniutitut aningaasanik ajunngitsorsiaqartitaasartut peqatigalugit ingerlanneqartarput.
"Tulluusimaarutigaara sulisut ilaqutaallu tamaasa Alcoap Silarsuaq Tamakkerlugu Sullissinermut Qaammatigititaanik tuniserusunnerup nunaqqatigiinnullu suleqataanerup anersaavanik Alcoap Pilersinneqaramili pingaartitarisimasaanik ersersitsusuunerat pillugu pilluaqqusinnaagakkit", Alain Belda, Alcoap siulittaasua pisortaaneralu oqarpoq. "Silarsuaq Tamakkerlugu Sullissinermut Ullorititaq angusanik tamakkuninnga suaarutiginninnissamut toqqarsimavarput Alcoamiit nammineq kajumissutsiminnik sullissisut silarsuarmi nunaqqatigiinni najugarisaminni pitsaasunik suliaqartarnerannik suli annerusumik nersuiniarnissarput siunertaralugu." 1985-imi Naalagaaffiit Peqatigiit Ataatsimeersuarneranni aalajangerneqarpoq decemberip ulluisa tallimaat namminneq kajumissutsiminnik suliaqartut angusaannik nalliuttorsiutiginnittarfittut ulloritinneqartalissasoq; Silarsuaq Tamakkerlugu Nammineq Kajumissutsimik Sullissinermut Ullorititaq nunarsuarmi naalagaaffiit affaannit amerlanerusut nalliussivaat. Paasissutissat sukuminnerusut uani nassaarineqarsinnaapput: www.worldvolunteerweb.org
Silarsuaq Tamakkerlugu Sullissinermut Qaammatigititarput atorlugu ulluinnarni nunaqqatigiinnut peqataanitsinnik annertusiartortitsillunilu itinerujartortitsisarpoq," Meg McDonald, Alcoap Aningaasaateqarfiani siulittaasoq oqarpoq."Siunertaasoq tassaavoq nunaqqatigiinni sumiluunniit ittuni Alcoap peqataaffigisaani piviusumik nammanneqarsinnaasumillu sunniuteqassalluni.
Sullissinermut Qaammammi pisut pingaarnerit ilaat:
Kinami Alcoap sulliveqarfiutai qulit isumannaallisaaneq, meeqqat, utoqqarnik illersuineq kiisalu avatangiisit pingaarnerutillugit suleqatigiipput. Sulisut 500-init amerlanerusut pisuni soorlu Innarluutillit Olympiaderneranni USA-p aallartitaanut tapersersuillutik kiisalu Bahamamiut Østrigimiullu timersortartut immikkut pisariaqartitaatigut ikiuullutik peqataapput.
Alcoap Australiami sulisuisa 30 %-iinit amerlanerusut kiisalu nunaqqatigiit 3000-init amerlanerusut aaqqissuussinerni silap kiatsikkiartorneranik akiuiniarfiusuni peqataapput. Ullormi mingutsitsinani suliartorfiusumi sulisut gassinik kiatsinnartunik 1732 tonsiusutut naatsorsorneqartunik aniatitsinngitsoorput pisullutik, cykelerlutik, busserlutik, qimuttuitsorlutik, imaluunniit biileqatigiillutik suliartornermikkut - nunaqqatigiit suliniaqatigiiffii 66-it ilorraap tungaanut sunnerlugit.
Amerika Kujallermi Brazilip Alcoallu ingerlatsivigisaat 100 sinnerlugit nunaqqatigiinnut aaqqissuussipput aammalu 23-eriarlutik isumasioqatigiisitsillutik suliniaqatigiiffinnut naalakkersuisutigoortuunngitsunut 130-init amerlanerusunut iluaqutaasumik.
Sulisut 263-it Pennsylvaniap illoqarfiisa ilaanni Pittsburgemi suliniaqatigiiffinnik aningaasannanniartuunngitsunik annertuumik sullissipput, ilaatigut suliaraat utoqqarnik National Aviarymut angallassineq, Light of Life Rescue Missionimi qalipaaneq, kuup sinaanik saliineq, sorsoqataasimasunillu napparsimavimmiittunik pulaarneq.
Richmondip illoqarfiisa ilaanni naalakkersuisoqarfiup iluarsaanneqaqqammersup eqqaani orpinnik arfinilinnik inerisimasunik ikkussillutik Virginiami naalakkersuisoqarfiup illoqannginnersaata iluarsarneqarneranut sulisut ikiuupput saliinerillu qassiit ingerlallugit. Naalakkersuisoqarfiup nunataata qangatut pilersinneqarnissaanik pilersaarutaasarsimagalugit piviusunngortinneqarsimanngitsut tamatumuunakkut inaarneqarput Alcoap aammalu Alcoap Aningaasaateqarfiata 60.000 dollarinik aningaasaliineratigut.
Canadami Islandimilu Alcoap suliffeqarfiutaani qulini sulisuusut akunnerni 800-ini eqqakkanik ikilisaanissaq siunertaralugu sanaartorlutik, saliillutik, piiaalltik, atoqqilluutik atoqqitassanngortiteralutillu Nuna Tamakkerlugu Eqqakkat Ikilisarneqarnerannut Sapaatit Akunnerititamut peqataapput. Pingaarnerutillugit suliat tassaapput nunanik aaqqissuinerit aammalu eqqakkanik naggorissaatissiassanngortillugit asiutitsiviliorneq meeqqat atuarfinni atugassaannik.
Jamaicami Alcoap sulisuisa namminneq kajumissutsiminnik sullissisut Lions Club suleqatigalugu sissaq Welcome Beach anorersuarmit Hurricane Deanimit perujunitsitaasimasoq 800 meteriusoq iluarsarpaat. Sissaq maanna sulisut sulilluarneratigut saligaallisimavoq, ujarassuaarussimallu, orpikuerussimalluni tipinerlukuerussimallunilu.
Alcoap Teknikkimut Suliaqarfia Pennsylvaniami Upper Burrell Townshipimiittoq nunaqqatigiinnut ullup qeqqasiortitsilluni katersuiniarami 160.000 dollarinik suliniaqatigiiffinnut tamaaniittunut tunniussaqarpoq kiisalu New Kensingtonimi Peqqissaavimmut ukiuni marlunni suleqateqarnissaq nalunaarutigineqarluni. Aningaasaliissuteqarnikkut peqqissaaviup sullissineri 30 procentimik alleriassapput.
Spaniami nunaqqatigiit sinniisui kiisalu politikerit, Alcoap aqutsisui qulliit, aammalu Alcoap San Cipriánimi nammineq kajumissutsiminnik suliniartui Sulisut Namminneq Kajumissutsiminnik Suliniartarnerannik Nalliuttorsiutiginninnermut peqataapput Alcoameersut 735-it suliniaqatigiiffinni iluanaarniartuunngitsuni 58-ini akunnerni 50.000-ini nammineq kajumissutsiminnik sulisimanerat nersorniarlugu.
Alcoap suliffeqarfiutaani niuertarfissuarnilu paasissutissiisarfinnik ingerlatsilluni DVD-inillu agguaalluni Alcoa Irland Imminortarneq pillugu Paasititsiniaanermut Pinaveersaartitsinermullu qaammammik aaqqissuivoq.
Tuluit Nunaanni Alcoap Kitts Greenimi sulisui suliniaqatigiiffimmik tassanngaaneersumik peqateqarlutik Pump Lea Villagemi tamanut ammasumik aaqqissuussinermik ingerlatsipput, tamatumani ingerlanneqartut tassaapput soorlu eqqumiitsuliorluni unammisitsinerit, nipilersornerit, qarasaasiarsornermut pikkorissaanerit, aammalu sungiusarfiit suliniaqatigiiffiillu assigiinngitsut saqqummersitsineri.
Frankrigimi Alcoa piujuartitsineq tunngavigalugu ineriartortitsineq pillugu saqqummersitanik 2008-imi Frankrigimi angallanneqartussanik aallarniivoq kiisalu Alcoap Aningaasaateqarfianiit aningaasaliissutit atorlugit naatitsivimmik ilinniartitsiviusumik pilersitsisimaneq nalunaarutigalugu.
Alcoa pillugu
Alcoa tassavoq aluminiumik, aluminiunik kueriikkanik aammalu aluminiussamik sanaartortut aqutsisullu nunarsuarmi annersaat tamakkuninngalu suliaqarnermi tamatumani tamaginnik suliaqartuusoq. Alcoap sullissarai silaannakkoortartut, biililiortartut, poortuutissiortartut, sanaartortut, assartuisartut aammalu suliffissuit, taamaaliornermigullu Alcoap ilusilersuinikkut, ingeniøritut suliassatigut, tunisassiornikkut piginnaasatigullu allatigut sullitani suliaminik apuussiffigisarpai. Aluminiumik aluminiumillu atortulianik tunisassiortarnermi saniatigut Alcoap aamma tuniniartagai tassaapput plastikkimik poortuutissiat, saffiugassat akuleriillugit manngertuliat, Alcoattaaq nioqqutigisarpai Alcoa® assakaasut, matusissutit, sukaterutit, uuttortaqqissaagassanik saffiugassanik kuioraaneq, illuliornermi atortut. Suliffeqarfissuaq nunani assigiinngitsuni 44-ni 116.000-inik sulisoqarpoq nunarsuarmilu suliffeqarfinni piujuaannartitsiniallaqqinnerpaat ilaattut Schweizimi Davosimi Aningaasarsiorneq pillugu Ataatsimiittartunit toqqarneqarsimalluni. Paasissutissat amerlanerusut uani takuneqarsinnaapput
Alcoap Aningaasaateqarfia
Alcoap Aningaasaateqarfia USA-mi aningaasat erniortitat aallaavigalugit aningaasaateqarfiit annersaasa tulliat tassaavoq suliffeqarfik USA-meersoq nammineersoq iluanaarniartuunngitsoq 534 mio. dollarit missaannik aningaasaateqartoq. Siunertaa tassaavoq silarsuarmi sumiluunniit Alcoap suliffeqarfiuteqarfigisaani inuunermut pitsaanerumut aningaasaliissuteqartassalluni. 1952-imi Alcoap Aningaasaateqarfiata pilersinneqarneraniit 435 million dollarit sinnerlugit Alcoap ingerlataqarfiini silarsuarmi sumiluunniit ittuni inuunermik pitsanngorsaanermut aningaasaliissutigineqarsimapput.
Aningaasaateqarfiup tunissutigisartagai nunani 30-it sinneqartuni inuit amerlasuut inoqarfiillu ataasiakkaat pisariaqartitaannut tunngatinneqartarput Alcoap suliffeqarfiutaani sulisut silarsuarmi sumiluunniit ittut suleqatigalugit ilorraap tungaanut allannguiniarnikkut. Nunarsuarmi tamarmi inoqarfinnilu ataasiakkaani aningaasanik tunissuteqartarneq inuit Alcoap ingerlatsiviiniittut pisariaqartitaannut naleqqussagaasarpoq, aammalu suliffeqarfittut pitsaanerpaamik suleqataanissaq anguniarlugu Alcoap aammalu Alcoap Aningaasaateqarfiata piginnaaneri immikkut ittut, nukii aammalu naleqartitai ataatsimut kattutaartarlugit.
2006-imi Alcoa kiisalu Alcoap Aningaasaateqarfia katillugit 42,3 mio dollarinik nunani 32-ini nunaqqatigiit suliniutaannut aningaasaliissuteqarpoq, tamatumanilu makku immikkut isiginiarneqarput: pitsaassuseq - nungutsaaliuineq piujuartitsinerlu, meeqqat ilaqutariillu isumanngitsut peqqissullu; nunarsuarmiut qaammarsarneqarnissaat suliffimmilu piginnaasat; aammalu suliffeqarfiit nunaqqatigiillu suleqatigiinnissaat pillugit anguniagaanut naapertuuttumik aaqqiiniartuusut aamma tapersersortarpai.
Bravo! tassaavoq Alcoap sulisuisa suliniaqatigiiffiat Alcoap Aningaasaateqarfianit aqunneqartoq. Taassuma Alcoami sulisut nunaqqatimik akornanni suliniarnerannik nersuiniartarnissaq siunertaara. Alcoami sulisoq ikinnerpaamik akunnerni 50-ini nammineq kajumissutsiminik suliniaqatigiiffimmi iluanaarniartuunngitsumi naalakkersuisutigoortuunngitsumiluunniit sulereersimagaangat suliniaqatigiiffik taanna 250 dollarinik tunineqartarpoq. ACTION (Alcoamiut Eqqaamioriinni Ataatsimoornerat) tassaavoq Alcoami sulisut suliniutaat Alcoap Aningaasaateqarfiannit aqunneqartoq. Suliniutikkut Alcoami sulisut tallimakkaarlutik amerlanerullutilluunniit minnerpaamik akunnerni sisamani nunaqqatigiinni suliniutinut suliniaqatigiiffinnit iluanaarniartuunngitsunit ingerlanneqartunut suliniaqatigiiffimmulluunniit naalakkersuisutigoortuunngitsumut suleqataanissaannik kajumissaarneqartarput. Sulinerat nersorniarlugu Alcoap suliniaqatigiiffik nammineq sumut atornissaanik aalajangigassaannik 1.500 dollarinik imaluunniit 3.000 dollarinik (suleqatigiit qanoq amerlatiginerat apeqqutaalluni) tapiissuteqarfigissavaa.
Paasisaqarnerorusukkuit alakkaruk www.alcoa.com, tassanilu Inoqarfiit
|
|
|
|
|
|
