 |
|
|
|
|
|
|
|
March 23, 2009
Eqaatsumik periuseqarnikkut Alcoa sulisitsisutsialattut sulisitsisut nalunaarsuiviani siuttuulluni ukiuni arfineq pingasuni ataavartumik inissisimavoq
|
|
|
AUSTRALIA—Alcoa Arnanut suliffitsialattut Sulisitsisut allattorsimaffiani toqqarneqaqqippoq, tamatumani ingerlatsivinni arnat angutillu naligiisitaallutik ingerlatsinerit toqqammaveqarneri, tamatumani arnat naligiisitaanissami periarfissinneqarnissaannilu suliniuteqarnerit malunnaatilimmik takussutissaqartinneqarlutik ingerlatsivinni ingerlatsisoqarnera toqqaanermi aallaavigineqarluni. Alcoa ukiut arfineq pingajussaanik malitsiinnarlugu toqqarneqarpoq. Pisortaaneq HR-imiittoq, Kim Horne, Alcoa-mi peqqissaarussamik eqaatsumillu periuseqarluni tunniussimallunilu sulinermik ingerlatseriaaseqarnera, aammalu suliffeqarfimmi tamatigoortumik tunngaveqarneq angusarineqartunut aallaaviusutut nalilerpaa.
“Ingerlatsiviup angusarissaarnissaani anguniakkat angunissaat qaninnerulersarput aammalu sulisorisat ingerlatsivimmut tulluunnerpaasut pissarsiariumarnerulersarput, kiisalu anguniakkat anguniarnerini ingerlatsivik angusarissaarnerujussuanngorfiusarpoq, suliffeqarfiup sulinermini aammalu inuunermi unammillernartunik ingerlaarfiujuartumi pimoorussilluni aallussilluni tunngaveqarnermigut, kiisalu tamatumani aammattaaq piujuartitsinermik pimoorussilluni aallaaveqarnikkut ingerlatsivik ingerlakkaanni angusassat angujuminarsarneqartarput.”Mr Horne oqarpoq.
“Ingerlatsivinni piujuartitsinermik aallaaveqarneq, sulisorisanik piginnaaneqarluartunik isumalluuteqarnerlu ingerlatsinermi aallaaviujuarput, aammattaarlu arnat angutillu assigiissumik periarfissinneqarneri sulinermilu qaffakkiartornissamut assigiimmik periarfissiisarneq aallaaviuneri, sulinermilu pineqartut aallaavigineqarneri piviusunngortitsinerni tunngaviupput, tamatumanilu Alcoa pingaartitatut taaneqartorpiaat tunngavigerpiarlugit ingerlariaaseqarpoq, sulinermilu tunngaviusumik taakkartorneqartut aallaavigalugit ukiorpassuarni ingerlatsiviuvoq.”
Ernereernemi sulinngiffeqareernermi suliffeqarfimmut suliartoqqittarneq nalunaarsukkat allattorsimaffiani takutippaat Alcoa-mut suliartoqqittartut 90 procent-it angumagaat, tamatumani ingerlatsiviup ernereernermi ullup ilaa sulisarnissamik Alcoa neqerooruteqartarnera malunniutilimmik arnanut sunniuteqartoq takussutissaqarluni.
“Arnanut anaanaasunut suliffeqarfiup eqaatsumik periuseqartarnera aammalu arnanut anaanaasunut suliffeqarfiup tapersersuinera sulinermi toqqammaveqarneq suliffeqarfiup naapertuuttumik periuseqarneranut naapertuuppoq,” Mr Horne oqarpoq.
Paasissutissanik Periutsinik Suleriaaseqarnermi Siunnersorti Karen Wood ukiuni 20-ini Alcoa-mi sulisuuvoq marlunnillu qitornaqarpoq: “Kisimiittuuvunga anaanaasoq, artornartarporlu marlunnik qitornaqarluni tamatsinnut illullu iluani angummanniartarneq imaannaanngitsuuvoq. Alcoa-mi isumaqatigiissusiakka tunngavigalugit tamanut piffissaqarlualerpunga.”
Nutaaliortumik ilisimatusarnermik suliaqartoq (Experimental Scientist) Wai Lim Kong arni utoqqasaanngortoq paaqqutarivaa aammalu piffissap ilaa sulisinnaasarnini arni ilaquttanilu piffissaqarfigilluarlugit isumagisinnaanerinut aallaaviulluinnartut oqaatigaa.
“Anaanaga nakorsiartussaatillugu sulinermalu nalaani nakorsiassappat, sulinera ullup affaa ingerlassinnaavara, kingusinnerusukkullu ullup sinnera sulinngiffigisara ullu alla tigusinnaavara, imaluunniit angerlarsimaffinni sulisinnaallunga ullup sulinngiffima affaa tigusinnaallugu,” Wai Lim oqarpoq.
Jo Ferrie, ingerlatsiviup periusaanut tunngasunik immikkoortortaqarfimmi sulisoq (Corporate Affairs team), angerlarsimaffimminiit ullup affaa sulisarpoq. “Angerlasimaffinni allaffinniit ullut suliffigisakka ingerlattarpakka. Qitornakkalu innareernerini aammattaaq suliassanik aallusseqqittarpunga, suliakka sumut killinneri malinnaavigalugit tuaviortunilluunniit takkuttoqarsimanersoq malinnaavigalugu, sulininni ullut marlukkaarnerinit piaarnerusumik sulianik ingerlattariaqartunik malinnaajutigalunga.”
“Sulianik ingerlaasinnit pisariaqartinneqartunik ingerlatanni, uanga nammineq angerlarsimaffinni makiaquteqarlunga imaluunniit kusanartunik assuuteqarnersunga apeqqutaatinneqanngilaq!”
Alcoa-mi erninermi akissarsiaqarluni sapaatip akunneri 13-it aammalu aappaasup sapaatip akunneri 13-it akissarsiaqarluni meerartaarnermi sulinngiffeqarnerit periarfissaallutik sulinermi ilaatigut toqqammaviupput.
“Sulisorisagut 60 procent-ii ukiut 10-it sinnerlugit uagutsinni sulisuupput, suliffeqarfittullu qanoq inissisimanitta takussutissarigaa sulisunullu pissarititaasut neqeroorutigisatta takussutissarigaat isumaqarpunga,” Mr Horne oqarpoq.
Alcoa-mi suliffeqarfiup tunngavigisaasa aammalu eqaatsumik periuseqarnerini takussutissat ilaat:
- Tamakkiisumik sulisorisat, allaffeqarfimmi aqutsisuunngitsut, qaammatit tamaasa ulloq ataaseq sulinngiffeqarnissamik periarfissinneqartarpoq (LDO). Ulloq ataaseq sulinngiffeqarnissaq kissaatigineqanngippat, LDO, ullut pineqartut ukiut tamaasa Decembarimi aningaasanngorlugit tiguneqartarput.
- Sapaatit akunneri 13-it erninermi aammalu aappaasup qitornartaarnermini sapaatit akunneri 13-it akissarsiaqarluni sulinngiffeqarneri.
- Suliffimmik avitseqatigiinnermik isumaqatigiissuteqarneq periarfissaavoq, atorfiit aalajangersimasunut atatillugu.
- Angerlarsimaffimmiit suliaqartarneq isumaqatigiissutigineqarsinnaavoq. Piffissap ilaa tamanna ingerlanneqarsinnaavoq, taamaattorli sulisut ilai piffissaq tamaat angerlasimaffimmiit tamakkiisumik sulinissaq pisariaqartittarpaat.
- Alcoa-p ammaffigisarpaa ullup affaa sulinissamik periarfissiineq tamatumani ernereernerup kingorna suliartoqqinnermut atatillugu.
- Atorfiit ilaanut atatillugu aallartinnermi piffissap ilaa sulisinnaaneq aammalu soraarfiit eqqarsaatigalugit aaqqissuussisoqarsinnaavoq. Alcoa-p sulisitsisut sulisullu akornanni tatigeqatigiinnerit tunngavigivai. Pineqartunik periarfissanik atornerluisut akunnerit sulinngitsoorfigisatik, ilaqutariinni pisariaqartinneqartut tunniutereernerini, akunnerit annaasat matussuserlugit sulisarput.
EOWA-p Sulisitsisullammik arnanullu periarfissiilluartutut toqqaanerani toqqammavigineqartut
Arnanut suliffitsialattut toqqarneqarneq ingerlatsiveqarfiit EOWA-mit nersorinninniaaneruvoq, suliffeqarfimmi malunniutilimmik takussutissaqartumillu annertusisamik iliuuseqartutut arnanut suliffimmi qaffakkiartornissamik periarfissiisutut takussutissaqartitsisutut toqqaanerulluni.
Suliffeqarfiit ingerlatsiviusut ukioq 2009-mi EOWA arnanut suliffitsialattut toqqaaniarnerminni suliffeqarfiit ingerlatsiviillu 111-it akornanni suliffiit suliassaqarfiit angissutsillu assigiinngisitaartut akornanni toqqaapput.
EOWA-mit Arnanut suliffeqarfitsialattut toqqarneqarnissamik siuttuussagaanni piumasaqaatit arlallit eqquutsittariaqartarput, tamatumani minnerpaamik qaammatit aqqaneq marluk sulisimaneq aallaavigalugu ernereernerup kingorna sapaatit akunneri arfinillit akissarsiaqarluni sulinngiffeqartitaasinnaaneq ilaalluni;
Arnanullu aqutsisuusunut ullup ilaa sulisinnaanermik periarfissaqartitsineq, ingerlatsiviup aqutsisuisa 28 procent-ii imaluunniit annertunerusut arnaanissaat qulakkeerneqassalluni, arnat angutillu naligiissumik akissarsiaqartitaanissaat misissoqqissaarneqarsimassasoq imaluunniit akissarsiat nikingassuteqarpata suliffeqarfiit allanit naleqqiullugit nikingassutaat misissoqqissaarneqassasut.
Ukiut tamaasa ingerlatsiviit qinnuteqartussaatitaapput.
Tusagassiutinut nalunaarutit tamarmik una atorlugu aaneqarsinnaapput: www.alcoa.com.au
Eqaatsumik periuseqarluni Alcoa-mi suliffeqarfinnik ingerlatsinerit allat pillugit paasissutissat annertusisat una aqqutigalugu aaneqarsinnaapput: http://www.alcoa.com/australia/en/info_page/Our_people.asp
|
|
|
|
|
|
