January 15, 2010

Nunatsinni aluminiuliorfissaq erngup nukinganillu nukissiorfissat pillugit suliniutit killiffiinik ilisimatitsinissaq siunertaralugu innuttaasunik ataatsimiisitsinissat 18. -21. Januar 2010.

Sapaatip akunnerani uani innuttaasunut ataatsimiisitsinerit Namminersorlutik Oqartussanik aaqqissuunneqartut saniatigut Nuummi, Maniitsumi, Sisimiuni aammalu Kangerlussuarmi ingerlanneqassapput.Tamatumani siunertarineqarpoq Greenland Development aamma Alcoa periarfissinniarlugit Nunatsinni aluminiuliorfissatut siunnersuutip suliartaasa qanoq ingerlaneri-nik ilisimatitsinissamut. Kikkulluunniit suliniummut soqutiginnittut periarfississaqassapput apeqquteqarnissamut akissutisinissamullu, minnerunngitsumillu oqariartuutigerusutanik apuussisinnaanermut periarfissaqassalluni.

Siunnersortit ERM-imeersut Avatangiisinut Sunniutinik Naliliinissamik (ASN-imik) suliaqartut suleqatitik peqatigalugit maannakkumut ASN-imi tunngaviusumik misissuinermit suliat killiffi-gigallagaat saqqummiunneqassapput aammalu ASN-imi qanoq ingerlariaqqittoqarnissaannik ilisimatitsisoqassalluni. Innuttaasunut ataatsimiisitsinermit saqqummiussinermi paasissutissat nittartakkani ukunani saqqummersinneqassapput: www.aluminium.gl www.alcoa.com/greenland/kl/proposed_smelter/meetings.asp aammalu: www.erm.com/alcoagreenland

Maniitsumi ataatsimiisitsineq KNR Radio-kkut toqqaannartumik aallakaatinneqassaaq Akisuasoq suleqatigalugu.

Ataatsimiisitsinissani oqaluuserisassat inaarsarneqarput, taamaattorli ataatsimiinnerni tulliuttut ilanngunneqarlutik eqqartorneqassapput:
  • Suliniummut attuumassuteqartut misissuinerit suliniummullu atatillugu suliat assigiinngitsut killiffii Greenland Development-imit, Alcoa-mit, kommunenit aammalu ERM-mit.
  • Avatangiisinut Sunniutinik Naliliinissamut tunngassuteqartunik oqaaseqarsinnaaneq apeqquteqarsinnaanerlu.
  • Paasissutissiiffiusumik katerisimaarneq misissuinernut immikkoortunut assigiinngitsunut sammititsinerussaaq. Misissuinerniit immikkut ilisimasallit tassani najuutissapput.

Innuttaasunut ataatsimiititsinissat imatut inissititserneqarput:
Nuuk, 18. Januar 2010
Sumiiffik: Katuaq
Piffissaq: 19:00 – 21:30
Maniitsoq, 19. Januar 2010
Sumiiffik: Katersortarfik
Piffissaq: 19:30 – 22:00
Sisimiut, 20. Januar 2010,
Sumiiffik: Taseralik
Piffissaq: 19:00 -21:30
Kangerlussuaq, 21. Januar 2010,
Sumiiffik: Qinnguata Atuarfia
Piffissaq: 19:00 – 21:30

Attaveqaatit:
Alcoa Inc.
Kristján Halldórsson
Oqar. toqq.: +299 533767
E-mail

Greenland Development A/S
Ellen Christoffersen
Oqar. toqq.: +299 482672

Qeqqata Kommunia
Birte Engelsen
Oqar. toqq.: +299 555510