March 8, 2010

Alcoa Fortune Magazinep Selskabit Saviminilerisut Nersornarnerpaattut Toqqaqqikkaa

Alcoa Fortunep “Nersornarnerpaat”-ut Allattorsimaffianut Ukiuni 27-ni Malittuinnarni Ilanngunneqartoq

NEW YORK--(BUSINESS WIRE)-- Alcoa (NYSE:AA) Fortune Magazinep nunarsuarmi selskabit saviminilerisut nersornarnerpaattut kingumut toqqaqqippaa. Alcoa ukiuni 27-ni malittuinnarni selskabitut nersornarnerpaatut toqqarneqarpoq. Fortunep nersornarnerpaanut immikkoortiterinera tassaavoq selskabit tusaamaneqarnerannut nalunaajaat inaarutaasoq. Nersornartitsineq USA-mi niuerneq pillugu saqqummersartut pingaarnersaanni marsip 22-ani saqqummersussami qulequtaralugu “Nunarsuarmi Selskabit Nersornarnerpaat” saqqummissaaq.

Saviminilerisut industriianni ataatsimut isigalugu nersornarnerpaatut toqqarneqarnermut ilanngullugu Alcoa aamma nr. 1-itut inissippoq pissutsit pingaartut qulingiluat selskabit nalilersornerannut atorneqartartut akornanni amerlanersaat pissarsiarigamigit: nutarterineq, inunnik aqutsineq, inooqatigiinnikkut akisussaaneq, sivisuumik atasussanik aningaasaliinerit, aningaasaqarnikkut peqqissuseq, nioqqutissat kiffartuussinerillu pitsaassusiat aamma selskabip pigisaanik nalilinnik atuineq.

“Ukiut 27 matuma siorna Alcoa nersornarnerpaat allattorsimaffiannut toqqarneqaqqaarmat nunani 16-ini sulisunik sulisoqarpugut. Ullumikkut nunat suliaqarfigisavut marloriaataanik amerlanerusunik amerlinikuupput. Alcoap nunarsuarmi sumiluunniit sulisui tulluusimaarutigaakka ukiut ingerlanerini nersornaatip taassumap pissarsiarinissaanut ikiorsimammatigut. Alcoap Pingaartitaasa inuunermi atornissai pillugit tunniusimanerannut takussutissaavoq Alcoallu nunarsuarmi tamarmi anersaavanut nersuinerulluni,” Alcoami CEO aamma Pisortaq Klaus Kleinfeld oqarpoq.

Fortunep misissuinera qaffasinnerpaanik atorfillit, siulersuisut aamma aningaasarsiornermik misissueqqissaarisartut misissortarpai, Fortune 1000 akornanni selskabit tusaamaneqarnerpaarpaat naniniarlugit, selskabit USA-miuunngitsut Fortune Global 500 akornanni aamma nunat allamiut selskabii USA-mi suliaqartut nuimanerpaat akornanni tusaamaneqarnerpaarpaat naniniarlugit.