 |
|
|
|
|
|
|
|
2008-06-05
Alcoa aammaarluni silarsuarmi Suliffeqarfiit Ileqqorissaarnerpaat ilaattut oqaatigineqarpoq
|
|
|
NEW YORK--(BUSINESS WIRE)--Alcoa (NYSE:AA)aammaarluni isumalioqatigiissitamit Ethispherimit, suliffeqarfinnik niuernerpalaartumik ingerlatsillutik aqutsilluartunik, niuernikkut ileqqorissaartunik, malitassanik malinnilluartunik suliffeqarfittullu akisussaassuseqarlutik ingerlatsisunik misissuisartuusumit nittarsaassinermillu suliaqartuusumit aammaarluni silarsuarmi Suliffeqarfiit Ileqqorissaarnerpaat ilaattut oqaatigineqarpoq. Nersorneqartut Ethispherep Forbesillu ataatsimoorlutik katersuutsitsineranni ”Ileqqorissaarluni aqutsineq aqqutigalugu niuernikkut isertitaqartarnermik” taasami ippassaq New Yorkimi ingerlanneqartumi suaarutigineqarput. Ajugaasuttaaq Ethisphere Magazinemi suliffeqarfiup kvartalikkaartumik saqqummersittagaani allaaserineqassapput.
"Alcoami silarsuarmi sumiluunniit suliffeqarfinni ingerlatatsinni sutigut tamatigut ileqqulersornivut ileqqussatut pingaartitatsinnit aqunneqarput. Ileqqqorissaarneq tunngavigalugu niuernermik ingerlatsinitsinnik nersorinninneq tamanna ataqqinninnermut tunniussimalluartuunitsinnut suliffeqarfittullu inuiaqatigiinni suleqataalluartuunitsinnut takussutissaavoq," Alcoami pisortaaneq Klaus Kleinfeld oqarpoq.
Silarsuarmi Suliffeqarfiit Ileqqorissaarnerpaat nassaariniarneqarnerini silarsuarmi nunavissuarni arfinilinni suliffeqarfiit pingaarnerpaat 10.000 sinneqartut misissueqqissaartartunit misissuiffigineqartarput. Ethispherep misissueqqissaartartuinit misissorneqartartut tassaapput ileqqorissaarnermut najoqqutassat, eqqartuussisulersuussinerit malittarisassanillu unioqqutitsisarnerit; nutaanik periusissiornerit piujujuartitsinerlu tunngavigalugu niueriaatsit nalilersorneqarneri; suliffeqarfiup inuiaqatigiinni suleqataalluarumalluni iliuuserisartagaasa misissorneqarneri; atorfikkaat, suliffeqarfiit allat, pilersuisut sullissallu inassuteqaataannik misissuinerit; kiisalu atuisartut suleqatigiissitaat tusarniaaffigineqarlutillu nalilersuisinneqartarput.
Alcoa pillugu
Alcoa tassavoq aluminiumik, aluminiunik kueriikkanik aammalu aluminiussamik sanaartortut aqutsisullu nunarsuarmi annersaat tamakkuninngalu suliaqarnermi tamatumani tamaginnik suliaqartuusoq. Alcoap sullissarai silaannakkoortartut, biililiortartut, poortuutissiortartut, sanaartortut, assartuisartut aammalu suliffissuit, taamaaliornermigullu Alcoap ilusilersuinikkut, ingeniøritut suliassatigut, tunisassiornikkut piginnaasatigullu allatigut sullitani suliaminik apuussiffigisarpai. Aluminiumik aluminiumillu atortulianik tunisassiortarnermi saniatigut Alcoap aamma tuniniartagai tassaapput plastikkimik poortuutissiat, saffiugassat akuleriillugit manngertuliat, Alcoattaaq nioqqutigisarpai Alcoa® assakaasut, matusissutit, sukaterutit, uuttortaqqissaagassanik saffiugassanik kuioraaneq, illuliornermi atortut. Suliffeqarfissuaq nunani assigiinngitsuni 34-ni 97.000-inik sulisoqarpoq nunarsuarmilu suliffeqarfinni piujuaannartitsiniallaqqinnerpaat ilaattut Schweizimi Davosimi Aningaasarsiorneq pillugu Ataatsimiittartunit toqqarneqarsimalluni. Paasissutissat amerlanerusut uani takuneqarsinnaapput: www.alcoa.com.
|
|
|
|
|
|
