 |
|
|
|
|
|
|
|
September 29, 2008
Alcoa ukiuni arfinillini tulliuttuni silap pissusiinik nalunaarsuinermut saqqummiussinissamut siulersuisussatut toqqagaavoq; Pisussaaffigalugit silap pissusiisa allanngornerisa qanoq innerinik saqqummiussinissamik periaatsit pillugit.
|
|
|
NEW YORK-mi--(BUSINESS WIRE-mi)--Alcoap (NYSE:AA-mi) ullumi nalunaarutigaa CO2-mik aniatitsineq pillugu suliassaq (Carbon Disclosure Project (CDP) ukiuni arfinillini tulliuttuni CO2-mik aniatitsinermi nalunaarsuinermut siulersuisussatut toqqagaasimalluni. Nalunaarsuineq taanna, CDP-p ukiumoortumik nunarsuarmit tamanit nalunaarutinik 500-nik imallip, erseqqissartarpai suliffeqarfiit FTSE-p iluani nunarsuarmit tamanit nalunaarutit 500-it akornanni, silap pissusiata allanngoriartornera pillugu nalakkersuisunik suleqateqarnissamik pitsaanerpaamik takutitsisimasut.
CDP-p sinniisuuffigai silarsuarmi tamarmi aningaasaliisartut 385-it $57 trillioninik pisuussutinik aqutsisuullutik. CO2-mik aniatitsineq silallu pissusiata allanngornera pillugit nalunaarutit aningaasaliisartunut pingaaruteqarluinnarput, ajunaarutaasinnaasut, tutsuiginassuseqarneq, toqqorsiveqarnissamullu periarfissaqarnermik sukumiisumik naatsorsuinissamut.
Silap pissusiinik nalunaarsuinermi siuttuusut nalunaarutaat (Climate Disclosure Leadership Index) silarsuarmi tamarmi suliffeqarfinnit 500-nit 67-iupput, CDP-p drivhus gasimik aniatitsineq pillugu misissuinerani akissutiminni immikkooruteqartutut takutitsisut, aniatsitsinermik annikilliliinissamik anguniagaqarlutik, silallu pissusaata allanngoriartornerani ajunaarutaasinnaasunik periarfissanillu ujartuisutut. Nalunaarutit, suliffissuarnik aningaasaliisartut naliliinissaannut atortussiaavoq, taakkulu tassaapput suliffeqarfiit 34-it pitsaanerit immikkoortumi CO2-mik aniatitsinngitsuni, kiisalu suliffeqarfiit 33-it pitsaanerit immiikkoortut CO2-mik aniatitsisuni.
“Alcoa-p pisussaaffigaa silap pissusaata allanngoriartorneranik akisussaassuseqartumik ataavartitsinissarlu siunertaralugit pissusilersussalluni, nuannaarutigaarpullu akimalluinnartunut silarsuarmi suleqatigiinnut ilaasortaanitsinnut, pissutsinik silap pissusaata allanngoriartorneranut tunngasunik unamillernartunik suliaqassalluta,“ oqarpoq Alcoap Siulersuisuisa qullersaat CEO-lu Klaus Kleinfeld.
Alcoa pillugu
Alcoa silarsuarmi siuttuuvoq pingaartumik aluminiumik, aluminiumik sanarfisamik, aluminiumillu akusamik suliarinninnermi, suliffissuaqarnerni pingaarnerni suliniutinut annertusiartortunut peqataasarnermini. Alcoap sulissuppai silaanakkorneq, maskiinat nammineq ingerlasartut, poortuutit, sanaartorneq ilusilersuinerlu, aningaasarsiutigalugu assartuineq, suliffissuaqarnermi niuerfiit, ilusiliisinnaaneq, nioqqutissiorneq allallu Alcoap niueqatigiinnermi sullitaminut suliarisinnaasai. Taakkua saniatigut aluminiumik sanaat, atortussallu saattunngorlugit iigassiaasat ilanngullugit, savimerngit manngersillugit suliat, saffiukkat, aamma Alcoap Alcoa® assakaasut, ikkussuinermi sukaterutit, uniuinngilluinnartumik aningaasaliinikkullu aatsitassanik kuisinerit, sanaartornermilu ilusilersuinerit. Suliniaqatigiiffik 97.000-inik sulisoqarpoq nunani assigiinngitsuni 34-ini, toqqagaasimallunilu silarsuarmi ataavartitsinissamik suleqatigiit pitsaanersaasa ilaattut, The World Economic Forum-mi Davos-imi Sveitsimiittumi. Paasissutissat allat uani takuneqarsinnaapput www.alcoa.com.
|
|
|
|
|
|
