 |
|
|
|
|
|
|
|
2007-11-06
Alcoa avatangiisitigut inuiaqatigiinnullu suliniuteqarluartutut nersorneqarpoq; Storebrand Best in Class Mutuals Fundimi angusaqarluartut akornannut inissinneqarluni.
|
|
|
NEW YORK--(BUSINESS WIRE)--Saffiugassalerinermi aatsitassarsiornermilu avatangiisitigut inuiaqatigiinnullu suliniuteqarluartutut nersorneqarluni Alcoa ullumi nalunaarpoq aningaasaliisarfimmi Storebrand Investementimi aningaasaateqarfiup nalunaarsuiffiani aammalu inuiaqatigiinnik mianerinnillu aningaasaliisartut pillugit nalunaarsuiffiani angusaqarluarnerpaatut suaarutigineqarsimalluni.
Storebrandip suliffeqarfiit akisussaassuseqarluni ingerlatsisut akornanni qaffasinnerpaat 30 procentit kisiisa angusaqarluarnerpaatut isigisarpai, taakkulu kisimik Storebrandip inuiaqatigiinnik mianerinnilluni aningaasaliisartut akornannut peqataatinneqarsinnaapput. Storebrand aningaasaliisarfiuvoq Norgemi aallaavilik, suliffeqarfiit akisussaassuseqartuunissaannik assut pingaartitsisoq aammalu inuiaqatigiinnik mianerinnilluni aningaasaliisartut akornanni siuttutut isigineqartarluni.
Angusarissaarnerpaatut toqqaaniarneq pisimavoq suliffeqarfiit saffiugassalerisut aatsitassarsiortullu 56-it silarsuarmi tamarmi ingerlatsisuusut qaammatini 14-ini Storebradn SRI-imiit aallarnerneqartumik suliffeqarfiit tikivillugit avatangiisinut inooqatigiinnullu tunngasutigut misissuiffigeqqissaarneqarnerat tunngavigalugu.
Suliffeqarfiit avatangiisitigut takussutissat tallimat aallaavigalugit naliliivigineqarput - avatangisiinut tunngasunik aqutsineq, nukissiorneq, imermik atuineq, eqqagassalerineq, aammalu tunisassiat sullissinerillu -- aammalu inooqatigiinnikkut sulianut takussutissat tallimat aallaavigalugit - suliffimmi peqqinnissaq isumannaallisaanerlu, sulisartunut attaveqarneq, inuit pisinnaatitaaffii, aqutsineq aammalu niuernikkut suleqatit.
"Piujuaannartitsineq tassaajuarsimavoq aningaasarsiornikkut ingerlalluarniarnitsinni, avatangiisitigut sulilluarniarnitsinni aammalu inooqatigiinnikkut akisussaassuseqartumik ingerlaniarnitsinni pingaartitatut ullut tamaasa tunngavigisimasarput. Nersornaat taanna piujuaannartitsineq pillugu periaasitsinnik akuersaarneruvoq," Alcoap siulittaasua pisortaaneralu Alain Belda oqarpoq.
Piujuaannartitsineq tunngavigalugu tunisassiornikkut angusaqarniarnikkullu ilungersuutit pissutigalugit Alcoa piujuaannartitsineq tunngavigalugu suliniartuni salliusutut assigiinngitsunit aningaasaliisarfinnillu nersorneqartarpoq, aamma aningaasanik niuerfiup Dow Jonesip PIujuaannartitsinermut naleqqersuutaani kiisalu Sila pillugu Suliniarnermi Siuttutunik Nalunaarsuiffimmi.
Alcoa pillugu
Alcoa tassavoq aluminiumik, aluminiunik kueriikkanik aammalu aluminiussamik sanaartortut aqutsisullu nunarsuarmi annersaat tamakkuninngalu suliaqarnermi tamatumani tamaginnik suliaqartuusoq. Alcoap sullissarai silaannakkoortartut, biililiortartut, poortuutissiortartut, sanaartortut, assartuisartut aammalu suliffissuit, taamaaliornermigullu Alcoap ilusilersuinikkut, ingeniøritut suliassatigut, tunisassiornikkut piginnaasatigullu allatigut sullitani suliaminik apuussiffigisarpai. Aluminiumik aluminiumillu atortulianik tunisassiortarnermi saniatigut Alcoap aamma tuniniartagai tassaapput plastikkimik poortuutissiat, saffiugassat akuleriillugit manngertuliat, Alcoattaaq nioqqutigisarpai Alcoa® assakaasut, matusissutit, sukaterutit, uuttortaqqissaagassanik saffiugassanik kuioraaneq, illuliornermi atortut. Suliffeqarfissuaq nunani assigiinngitsuni 44-ni 116.000-inik sulisoqarpoq nunarsuarmilu suliffeqarfinni piujuaannartitsiniallaqqinnerpaat ilaattut Schweizimi Davosimi Aningaasarsiorneq pillugu Ataatsimiittartunit toqqarneqarsimalluni. Paasissutissat amerlanerusut uani takuneqarsinnaapput: www.alcoa.com.
|
|
|
|
|
|
