2011-05-11

Alcoap Kulstoffimik Annikillisitsinissamik Anguniagaq Qaangerpaa

Inernerit Atajuarsinnaaneq pillugu Nalunaarusiaq 2010-mi Oqaatigineqartut

NEW YORK--(BUSINESS WIRE)--Alcoap (NYSE:AA) ullumi nalunaarutigaa kulstofimik aniatitsinini annertuumik annikillisimallugu, 2020-mut anguniagassatut siunniussani qaangerlugu, selskabiullunilu siulleq aluminiumimut suliarineqanngitsumut Cradle to Cradle® Allagartamik Uppernarsaammik sølviusumik tunineqartoq. Inernerit Alcoap Atajuarsinnaaneq pillugu Nalunaarusiaanut 2010-p saqqummersinneqarneranut ilaallutik nalunaarutigineqarput, saqqummersitami Selskabip tunisassiaasa, isumalluutaasa suliaqarnerisalu atajuarsinnaassusiannik misissuinerit pineqarlutik.

“Alcoami atajuarsinnaassuseq pillugu piffissaq ungasinnerusoq isumagalugu pisarpugut,” Kevin Anton, Alcoap Atajuarsinnaaneq pillugu Atorfilittaasa Ittuat, oqarpoq. “2010-mi suliaqarnivut pitsaassutsimut qaffasinnerusumut pisippavut atajuarsinnaaneq pillugu atorfilittat ittuattut atorfimmik ivertitsinikkut aammattaaq atajuarsinnaaneq pillugu periaasissap annertuup ineriartortinnissaanut immikkut pingaartitsineq nutaaq ilutigalugu. Pilersaarusiornermut atatillugu atajuarsinnaaneq pillugu anguniagassat assigiinngitsut nutaat atulerpavut, suliffeqarfiutitsinni siuariartorneq 2020-p tungaanut tamatumalu kingornanut ingerlassinnaajumallugit angusanillu nalunaarsuiffimmik sanalluta atajuarsinnaaneq pillugu anguniagassavut suliffeqarfiutitta ataasiakkaat akornanni nalimmassarneqarnissaat anguniarlugu,” Anton oqarpoq.

Nalunaarusiami angusanut malunnartunut ilaapput:
  • Silaannaap Allanngornera: Selskabip suliaqartarnerineersut kissattoornerup gassiinik aniatitsineq Alcoap annikillisippaa. Alcoa Global Primary Products-ip CO2-mik aniatitami sakkortussusia 2009-mut naleqqiullugu 7 %-imik annikillisippaa kiisalu 2005-imut naleqqiullugu 22 %-imik annikillisillugu, 2020-mi 20 %-imik annikillisitsisimanissamik anguniagassatut siunniussaq qaangerlugu. Annikillisitsinerit taakku tassaapput imermit nukissiorneq minguitsoq atorluarumallugu suliaqarfiit nutaanut inissinnissaat pillugit pilersaarusiuutigaluni sulissutigisat inerneri; suleriaatsikkut aniatitsinerit annikillisarnissaat pillugit periaatsit pitsaanerpaat pilertortumik ingerlateqqittarlugit; piffinni tamani nukissiornikkut sunniuteqarluartumik ingerlatsineq.
  • Tunisassiat: 2010-mi Alcoa aluminiumimut suliarineqanngitsumut Cradle to Cradle® Allagartamik Uppernarsaammik sølviusumik tunineqarpoq. Selskabit aluminiuliortartut akornanni Alcoa siulliulluni taama immikkut allagartamik uppernarsaammik McDonough Braungart Design Chemistry (MBDC)-imit tunineqarpoq, pisisartut qularutissaarullugit Selskabip saviminssaatimi atajuarsinnaanerata pitsanngorsartuarnera suli ingerlakkaa, peqqaataanit suliarineranit tunisassiap atorneqarneranut naggataatigullu aatseriarlugit nutaaliarinerisigut. Allagartaq uppernarsaat suleriaatsitigut pitsanngorsaanikkut anguneqarpoq, nukissamik atuinerup millineqarnera, systemit imermik aqutsissutit sunniuteqarluartut aamma atornikunik aatsitseriarluni nutaaliarineri ilaallutik.
  • Isumannaallisaaneq: Alcoap 2010 naavaa suliffeqarfiit sumiiffinni assigiinngitsuniittut 82 %-ii ullunik 0-nik sulinngitsoorfiusimallutik nalunaarlutik 48 %-illu nalunaarlutik taasarialimmik ajutoortoqarsimanatik – 2009-mut naleqqiullugu siuariarneq assut malunnartoq.
  • Aningaasat Tigoriaannat eqqarsaatigalugit Atajuarsinnaaneq: Selskabip Aningaasat Tigoriaannaat eqqarsaatigalugit Atajuarsinnaanera pillugu Programiani anguniagassat 7 tamarmik Alcoap qaangerpai, ukioq naasimallugu aningaasat tigoriaannaat US $ 1,5 milliardinik amerlanerusut pigalugit. Aammattaaq akiitsuutivut 34,9 %-imut apparput – 2009-mut naleqqiullugu 380 basis point-inik appasinnerullutik.
  • Nunaqqatigiikkuutaanut & Soqutiginnitsinut Akuuneq: Alcoaqarfiusut nunaqqatigiikkuutaanut iliuutsini pimoorullugu suliniartarput, taakkulu ilisarnaatigaat soqutiginnitsinik assigiinngeqisunik oqaloqatigiinnerit akuttoqatigiinnik pisartunik ingerlatsineq, akunnattoorfigisimasinnaasaat paasiniarlugit aaqqiissutissanillu naleqquttunik ujartuinermi suleqatigalugit. Aammattaaq Alcoa aamma Alcoap Fondia US $ 36,8 million sinnerlugit nunaqqatigiikkuutaanut Selskabip suliaqarfiiniittunut tunissuteqarput.
  • Sulisut Akuunerat: Sulisut qanoq akuutiginerat Global Voices-imik taallugu misissuinitsinni inernerit takutippaat ukiut malittuinnaat pingajussaannik nunarsuaq kaajallallugu pitsanngorsimasoq. Aammattaaq Nunarsuaq Kaajallallugu Qaammat Sullissivik oktober 2010-imi pisup ingerlanerani Alcoap sulisuisa 49 %-ii nunaqqatigiit akornanni suliniutini sullissillutik peqataapput.
  • Ileqqorinnissamik ajoqersuut: Kingumut nunarsuarmi tamarmiusumi Alcoa selskabit ileqqorinnissamik ajoqersuutillit pitsaanerpaat ilaattut nersorneqarpoq, Covalence Ethical Rankings-ip immikkoortiterinerani Basic Resources-imi pitsaanerpaatut inissinneqarluni. Immikkoortiterineq taanna 2005-imili aallartinneqarmat pitsaanerpaatut inissinneqartuaannarsimavugut. Industriit selskabillu suugaluartulluunniit 581 akornanni normu 15-itut inissinneqarpugut 2010-mi nuimasut inissititerneqarsimanerat naapertorlugu – taanna 2011-p aallartisimalernerani saqqummersinneqarpoq.

“2010-mi siuariartorneq annertuumik malunnaatilik tunngavigalugu qiimmatsatsinneqarsimavugut. 2011-mi atajuarsinnaassutsit immikkoortui assigiinngitsut selskabimi tamarmiusumi soqutiginnitsinilu piviusooreersut pitsaanerusumik ataqatigiisinneqarnissaannik sulissutiginninnerput nanginniarparput,” Anton oqarpoq.

Nalunaarusiaq internetikkut uani aaneqarsinnaavoq www.alcoa.com/sustainability (tuluttut).

Alcoa pillugu

Alcoa tassaavoq aluminiuliaqqaamik aamma aluminiumit nioqqutissiarineqartunik nioqqutissiortoq nunarsuarmi anginerpaaq, soorluttaaq aamma nunarsuarmi bauxitemik piiaasut aluminamillu akuiaasut anginersarigaat. Aluminiumik nioqqutissiornerup moderniusup nassaarinerata saniatigut Alcoap nutaaliortarnera pisunut pingaarnernut tunngaviusarsimavoq, soorlu avataarsualiartaasiornermi, namminneq ingerlatilinni (motorilinni), poortuutissiornermi, sanaartornermi, iluanaarniutigalugu assartornermi/angallassinermi, atuisartunut elektronikkiliani aamma tunisassianik niuffaffinni ukiuni kingullerni 120-ni. Alcoap tuniniagaasa iluarsiissutaasut akornanniipput nioqqutit pukkitsunik ulamertunik kaavittullit, saffiugassanit akuukkanik manngertunik naqitat, saffiukkallu, soorlu aamma Alcoa® assakaasut, aalajangiutit ataatsimut aaqqissuussat, kuitsiviit eqqorluartumik sanaat aamma inissiinermut kuitsiviit, saviminernik oqitsunik allanik, soorlu titaniumimik aamma saffiugassanit akuukkanik nakuarsuarnik nickelimik aallaavilinnik, immikkut paasisimasaqarnitta saniatigut sanaartueriaatsit. Piujuaannartitsineq Alcoap suleriaasiinut pissusissamisut inissisimavoq taannalu aqqutigalugu pisisartunut atugassinneqartut nioqqutit ilusilersugaaneri teknikkilu. Alcoa ukiuni qulingiluani atasuinnarni Dow Jones Sustainability Indeximi ilaasortaasimavoq, 1888-imili aluminiup nioqqutissiarineqarsimasup 75 %-iata missaa nalitsinni suli atorneqarpoq. Alcoap nunani 31-ni inuit 59.000 missaanniittut sulisorai. Paasissutissat amerlanerusut www.alcoa.com –imi takuneqarsinnaapput.



suli