 |
|
|
|
|
|
|
|
Maajip ulluisa 13-iat, 2008
Aatsitsiviliorsinnaaneq erngullu nukinganik innaallagissiorfiliorsinnaaneq pillugu ataatsimoorluni misissuinerup immikkoortuisa aappaat Kalaallit Inatsisartuisa akueraat
|
|
|
NEW YORK--(BUSINESS WIRE)--Alcoa (NYSE:AA) Kalaallit Nunaanni silarsuarmi allanut nallersuuttumik piujujuartitsiviusumik aluminiuliorfiliornerup naammassineqarsinnaanera pillugu ataatsimoorluni misissuinerit immikkoortuisa aappaanut ingerlaqqinnissamik Kalaallit Nunaanni Inatsisartut aalajangernerat Alcoamit ilassilluarneqarpoq.
Maniitsumi ukiumut 340.000 tonsimik suliaqarsinnaasumik aatsitsiviliortoqarnissaanik Naalakkersuisut inassuteqaataat Inatsisartunit tapersersorluarneqaqaaq aningaasarpassuarnillu ataatsimoorluni misissuinissamut immikkoortitsivigineqarluni. Misissuinerit tamakku, 2009-imi ingerlasussat, sanaartugassatut siunnersuutigineqartut aningaasaqarnermut, inooqatigiinnermut avatangiisinullu sunniutissaanik sukumiisumik misissuiffiussapput. Inatsisartut suliamut tassunga Kalaallit Nunaata piginneqataanera oqaluuserissallugu 2009-imi katersuuteqqinnissaat naatsorsuutigineqarpoq.
Bernt Reitan Alcoap pisortaanerata tullia tunisassiornermullu pisortaanera Kalaallit Nunaanni Naalakkersuisut eqqumalluartuunerannik peqqissaartuunerannillu nersualaarpai kiisalu Inatsisartut suliamut tassunga oqaluuserinninnerat pillugu nersualaarlugit.
"Tikilluaqqusaalluaqaagut aammalu naalakkersuisut inatsisartullu peqqissaarussilluinnarlutik sulinerannut peqataatinneqarluta. Suliassatut siunnersuutigineqartup ilumut piviusunngortinneqarsinnaanera pillugu misissuinissamut kalaallit suleqatitta taama tunniussimalluartiginerat toqqissisimanareqaarput," Reitan oqarpoq. "Kalaallit Nunaanni aningaasarsiornermi suliffissuaqarnikkut tunngavissaq ataatsimoorluta tunngavissiuinnarnagu aamma qaqugumut ikinngutigiinnissaq tamatta iluaqutigisassarput tunngavissiortarput.
Kalaallit Nunaanni aningaasarsiorneq pitsanngorsarniarlugu Kalaallit Nunaanni Naalakkersuisut tunisassiornerup assigiinngissitaarnerulersinneqarnissaa qangatsiarli sulissutigilersimavaat kiisalu aluminiuliorneq nalinginnaasumik misissuiffigisimallugu pingaartumillu 2006-ip qeqqanili Alcoa suleqatigineqarsinnaasutut misissugarilersimallugu.
Kalaallit Nunaanni erngup nukinganik nukissiorfissaqqissorpassuit Alcoap ukiut 100 sinnerlugit nammanneqarsinnaasumik, avatangiisinik mianerinnilluni, aammalu nunaqqatigiinnit ingerlanneqarfigisamini pingaartinneqartumik aluminiumik aatsitsivinnik ingerlatsisarsimanera ataatsimoortinneqarsinnaalerput.
Alcoap, Kalaallit Nunaanni naalakkersuisut, Nuup, Sisimiut Maniitsullu kommuniisa tamarmik suliamut soqutiginnissimaqisut annertuumik suleqatigiinnerisigut aatsitsiviliorfissatut siunnersuut taperserneqarpoq.
Ilumut ingerlanneqarsinnaasoq uppernarsineqariarpat aatsitsivik 2014-2015-imi aallartinneqarsinnaasutut naatsorsuutigineqarpoq.
Alcoa tassavoq aluminiumik, aluminiunik kueriikkanik aammalu aluminiussamik sanaartortut aqutsisullu nunarsuarmi annersaat tamakkuninngalu suliaqarnermi tamatumani tamaginnik suliaqartuusoq. Alcoap sullissarai silaannakkoortartut, biililiortartut, poortuutissiortartut, sanaartortut, assartuisartut aammalu suliffissuit, taamaaliornermigullu Alcoap ilusilersuinikkut, ingeniøritut suliassatigut, tunisassiornikkut piginnaasatigullu allatigut sullitani suliaminik apuussiffigisarpai. Aluminiumik aluminiumillu atortulianik tunisassiortarnermi saniatigut Alcoap aamma tuniniartagai tassaapput plastikkimik poortuutissiat, saffiugassat akuleriillugit manngertuliat, Alcoattaaq nioqqutigisarpai Alcoa® assakaasut, matusissutit, sukaterutit, uuttortaqqissaagassanik saffiugassanik kuioraaneq, illuliornermi atortut. Suliffeqarfissuaq nunani assigiinngitsuni 34-ni 97.000-inik sulisoqarpoq nunarsuarmilu suliffeqarfinni piujuaannartitsiniallaqqinnerpaat ilaattut Schweizimi Davosimi Aningaasarsiorneq pillugu Ataatsimiittartunit toqqarneqarsimalluni. Paasissutissat amerlanerusut uani takuneqarsinnaapput: www.alcoa.com.
|
|
|
|
|
|
