2011-09-09

Alcoa Nunarsuarmi aamma Amerikami Avannarlermi Dow Jones-ip Ataavartitsinermut Nalunaarsuiffinnut toqqarneqartoq

Selskabi ukiut qulissaannik atasuinnarmik DJSI-imut ilanngutitinneqartoq

NEW YORK--(TELEGRAMMI)Ukiut qulissaannik atasuinnarmik Alcoa (NYSE:AA) Dow Jones-ip Ataavartitsinermut Nalunaarsuiffiinut (DJSI) toqqarneqarpoq, nunarsuarmi ataavartitsinermut nalunaarsuiffiit pisoqaanerpaat aamma nersornartinneqarnerpaat ilaat. Alcoa ataatsikkut Nunarsuarmi aamma Amerikami Avannarlermi Nalunaarsuiffinnut toqqarneqarpoq kiisalu aamma Aluminiumik Suliaqartartut akornanni Industriimi Siuttutut toqqarneqarluni.

Dow Jones-ip Ataavartitsinissaq pillugu Nunarsuarmut Nalunaarsuiffia (DJSI Nunarsuaq) ataavartitsinissaq eqqarsaatigalugu selskabinit siuttuusunit ilaasortaqarpoq. Pitsaanerit akornanni pitsaanerpaat 10 %-iusut nalunaarsuiffimmut ilanngunneqartarput, nunarsuarmi selskabit annerpaat akornanni piumasaqaatit piffissap sivisuup iluani aningaasarsiornermut, avatangiisinut aamma inooqatigiinnermut tunngasut toqqammavigalugit. Dow Jones-ip Ataavartitsinissaq pillugu Amerikamut Avannarlermut Nalunaarsuiffia (DJSI Amerika Avannarleq) Amerikami Avannarlermi selskabit annerpaat akornanni ataavartitsinissaq eqqarsaatigalugu siuttut akornanni siuttuunerpaat 20 % ilanngunneqartarput.

Nalunaarsuiffiit isiginneriaaseq nalit-akornanni-pitsaanerpaaq atuarpaat, ataavartitsinermilu siuttut nunarsuarmi tamarmi selskabinit pisut tassunga ilaallutik, selskabip ataavartitsineq pillugu portfolianik nalilersuinissamut aningaasaliisartunut naleraallutik pingaartut. DJSI-imut toqqarneqarneq selskabip aningaasarsiornikkut, avatangiisinut aamma inooqatigiinnermut immikkoorutaasa misissoqqissaarneqarnerannik tunngaveqartarpoq, selskabip pingaartitaanik piffissap sivisuup iluani ineriartortitsinissaq immikkut pingaartillugit.

Ukiut qulikkaat kingulliit qulit atajuartitsinissaq pillugu nalunaarsuiffimmut uunga nunarsuarmi tamarmi tusaamasaasumut akuulluta ingerlasimavugut, tamannalu selskabitut assorsuaq tulluusimaarutigaarput, Kevin Anton, Alcoami tullersortaasoq aamma Atajuartitsinissaq pillugu Ittuusoq oqarpoq. Aluminiup pinngortitamit pissusia naapertorlugu qajannaatsorsuaq, oqitsoq aamma atoqqeqattaarneqarsinnaasoq nioqqutissiaavoq ilumut atajuarsinnaasoq pisisartutsinnut iluaqutissanik malunnaatilinnik tunniussassaqartoq.

Selskabi 2010-mi aamma 2011-mi atajuartitsinissaq pillugu suliniutini pillugit annertuumik siuariartorsimalluni nalunaarpoq, makku taakkununnga ilaallutik:

  • Isumannaatsuunissaq aamma Peqqissuseq: Alcoap nunarsuarmi suliaqarfiisa akornanni 82 % ajutoornermik peqquteqartumik ullunik sulinngitsoorfeqarsimanngillat aamma 48 % 2010-mi ajutoornertut nalunaarneqarsinnaasunik soqarsimanngillat.
  • Nioqqusiat: Saffiugassanit akuukkat nutaat ineriartortinneqarput timmisartunik oqinnerulersitsisussat pitsaanerusumillu sunniuteqartussat taakkulu ilutigalugit atasinnaassuseq pitsaanerulersillugu. Teknologiikkut siuariartornerit taakku orsussamik 12 %-imik atuilluarnerulernissamik periarfissiivoq aammalu timmisartunut saffiugassanik annertuumik katitikkanik sanaanut naleqqiullugit 10 % tikillugu oqinnerulernissamik. Reynobond with EcoClean, iigassaq saattunnguaq imusaq illuliortaatsimi atorneqarluni ikkussugassaq siulleq aallarnerneqarpoq, taanna imminut salillunilu silaannaq eqqaaniittoq aamma salissinnaavaa. Tassaavoq teknologii imminut salittartoq aningaasatigut imminut akilersinnaasoq aserfallatsaaliinermut aningaasartuutinik annikinnerulersitsisoq smogillu (mingutsitsinermit pujorsuaq) mingutsitsisartullu allat arroriartortinnissaannut iluaqutaasoq, soorlu ipeq aamma dieselip pujua illut qaavinut nippussorsimasoq. Imaappoq, 10.000 kvadrat fodit Reynobond with EcoClean-imik qallerneqarsimasoq silaannarmik saliisinnaassusia orpiit 80 saliisinnaassusiata missaarpaa.
  • Kliimap allanngoriartornera: Selskabip ingerlatsinermini gassinik kissattoortitsisunik aniatitsinini minnerulersippaa. Alcoa Global Primary Products-ip 2009-mut naleqqiullugu CO2-imik aniatitsinera 7 %-imik annikinnerulersippaa 2005-imullu naleqqiullugu 22 %-imik annikinnerulersitsilluni, taamaalilluni Selskabip 2020-mut anguniagassatut siunniussaa 20 %-imik annikinnerulersitsinissaq qaangerlugu. Annikinnerulersitsinerit taakku tassaapput pilersaarusiornikkut ilungersuutit inerneri, tassa erngup nukinganik minguitsumik iluaquteqarniarnermi ingerlatsiviit nutaanut pisinnerisigut, ingerlatsinermi aniatitsinerit millisarniarlugit qanoq iliortaatsit pitsaanerpaat pilertortumik akunnitsinni ingerlateqqittarnerisigut aammalu sumiiffinni tamani nukimik pitsaanerpaamik atorluaanikkut.


Selskabip ataavartitsinissamut isiginneriaasia annertunerusumik paasisaqarfigerusukkukku Alcoas 2010 Corporate Sustainability Report Alcoap 2010-mi Ataavartitsiissaq pillugu Nalunaarusiaa (Tuluttut) atuaruk aamma nunarsuarmi tamarmi Alcoap immikkoortortaqarfiinit nalunaarusiat takukkit.

Alcoa pillugu

Alcoa tassaavoq aluminiuliaqqaamik aamma aluminiumit nioqqutissiarineqartunik nioqqutissiortoq nunarsuarmi anginerpaaq, soorluttaaq aamma nunarsuarmi bauxitemik piiaasut aluminamillu akuiaasut anginersarigaat. Aluminiumik nioqqutissiornerup moderniusup nassaarinerata saniatigut Alcoap nutaaliortarnera pisunut pingaarnernut tunngaviusarsimavoq, soorlu avataarsualiartaasiornermi, namminneq ingerlatilinni (motorilinni), poortuutissiornermi, sanaartornermi, iluanaarniutigalugu assartornermi/angallassinermi, atuisartunut elektronikkiliani aamma tunisassianik niuffaffinni ukiuni kingullerni 120-ni. Alcoap tuniniagaasa iluarsiissutaasut akornanniipput nioqqutit pukkitsunik ulamertunik kaavittullit, saffiugassanit akuukkanik manngertunik naqitat, saffiukkallu, soorlu aamma Alcoa assakaasut, aalajangiutit ataatsimut aaqqissuussat, kuitsiviit eqqorluartumik sanaat aamma inissiinermut kuitsiviit, saviminernik oqitsunik allanik, soorlu titaniumimik aamma saffiugassanit akuukkanik nakuarsuarnik nickelimik aallaavilinnik, immikkut paasisimasaqarnitta saniatigut sanaartueriaatsit. Piujuaannartitsineq Alcoap suleriaasiinut pissusissamisut inissisimavoq taannalu aqqutigalugu pisisartunut atugassinneqartut nioqqutit ilusilersugaaneri teknikkilu. Alcoa ukiuni qulingiluani atasuinnarni Dow Jones Sustainability Indeximi ilaasortaasimavoq, 1888-imili aluminiup nioqqutissiarineqarsimasup 75 %-iata missaa nalitsinni suli atorneqarpoq. Alcoap nunani 31-ni inuit 59.000 missaanniittut sulisorai. Paasissutissat amerlanerusut www.alcoa.com imi takuneqarsinnaapput.