Alcoa Kalaallit Nunaanni: Nutaarsiassat: Kalaallit Nunaanniit nutaarsiassat: Kalaallit Nunaanni aluminiumik aatsitsiviliornissaq pillugu suliniutit killiffiinik ilisimatitsinissaq siunertaralugu innuttaasunik ataatsimiisitsinissat 19.- 20.- aamma 22. Januar 2009.

English	Attaveqarfigitigut		orniguk

alcoa.com

Alcoa Kalaallit Nunaanni


		Kalaallit Nunaanniit nutaarsiassat

2009-01-07

Kalaallit Nunaanni aluminiumik aatsitsiviliornissaq pillugu suliniutit killiffiinik ilisimatitsinissaq siunertaralugu innuttaasunik ataatsimiisitsinissat 19.- 20.- aamma 22. Januar 2009.

Januar-imi innuttaasunik ataatsimiisitsinerit Sisimiuni, Maniitsumi aammalu Nuummi ingerlanneqassapput, Greenland Development aamma Alcoa periarfissinniarlugit nunarsuarmi aluminiumik aatsitsiviit pitsaanerpaat ilaannik pilersitsinissamut pilersaarutit qanoq ingerlanerinik ilisimatitsinissat sumiiffinnilu najugaqartunit soqutiginnissinnaasunillu allanit apeqquteqaatinik oqariartuutinillu Suliniummut pilersaarutigineqartumut attuumassuteqartunik apuussisinnaanissaat siunnerfigalugu.

Siunnersortit ERM-imeersut Avatangiisinut Sunniutinik Naliliinissamik suliaqartut suliniutit naammassineqarnissaannut pitsaassutsit assigiissarneqarnissaannut missingiusiaq saqqummiunneqassaaq, tamatumanilu ersersinneqassapput sutigut Avatagiisinut Sunniutinik Naliliinissamik sulineq suleqataasullu suliai qanoq ingerlanneqassanersut. Suliniutit naammassineqarnissaannut pitsaassutsit assigiissarneqarnissaannut missingiusiaq atuarneqarsinnaavoq uani: http://www.alcoa.com/greenland/kl/
proposed_smelter/project_background.asp imaluunniit http://www.aluminium.gl. Nalunaarusiaq tamakkiisoq oqaatsitsinnut kalaallisuumut nutserneqarnera kingusinnerukkut saqqummiunneqarumaarpoq. Soqutiginnittut kajumissaarneqarput suliniutit naammassineqarnissaannut pitsaassutsit assigiissarneqarnissaannut missingiusiamut, oqaatsitigut allakkatigulluunniit isummersuutinik apuusseqqullugit, tamannalu pisinnaavoq innuttaasunik ataatsimiisitsinermi imaluunniit allakkatigut uunga nassiussinikkut: greenland.info@erm.com.

Ataatsimiisitsinissani oqaluuserisassat suli inaarsarneqarput, taamaattorli ataatsimiinnerni tulliuttut ilanngunneqarlutik eqqartorneqassapput:

Suliniummut attuumassuteqartut misissuinerit assigiinngitsut killiffii.
Suliniutit naammassineqarnissaannut pitsaassutsit assigiissarneqarnissaannut aammalu Avatangiisinut Sunniutinik Naliliinissamik suliat ilisaritinneqarneri.
Ammasumik suliniummut aammalu Avatangiisinut Sunniutinik Naliliinissamut tunngassuteqartunik oqaaseqarsinnaaneq apeqquteqarsinnaanerlu.

Oqaluuserisassatut siunnersuutissat tikilluaqquneqarput. Pilersaarummut apeqquteqaatissat oqaaseqaatilluunniit toqqaannartumik Alcoa-mut imaluunniit Greenland Development-imut ingerlatinneqarsinnaapputtaaq, ataani attaveqaataasut allassimasut attaveqarfigineqarnerisigut. Oqaluuserisassat tamakkiisut avammut saqqummiunneqassapput ataatsimiinnissat aallartinngilaarnerini ullualunnik sioqqullugit.

Sisimiut, Januaarip 19-ani 2009,
Sumiiffik: Taseralik
Piffissaq: nal 19:00-21:30

Maniitsoq, Januaarip 20-ani 2009,
Sumiiffik: Katersortarfik
Piffissaq: nal 19:00-21:30

Nuuk, Januaarip 22-ani 2009,
Sumiiffik: Katuaq
Piffissaq: nal 19:00-21:30

Attaveqaatit:
Alcoa - Akitsinnguaq Olsen: akitsinnguaq.olsen@alcoa.com / Mobil: +299 53 37 67
Greenland Development - Ellen Christoffersen: ellen@gd.gl / Mobil: +299 48 26 72

Aluminiliorfissatut erngup nukissiuuteqarfissatullu siunnersuutigineqartut ineriartortinneqarnissaat pillugit Innuttaasunik Ataatsimiisitsinissat 19.-22. January 2009
ataatsimiisitsinerit ingerlanissaanut siunnersuut

19:00	Tikilluaqqusineq borgmesterimit imaluunniit sumiiffinni atorfilimmit
19:10	Alcoa oqaaseqassaaq nutaarsiassanillu saqqummiilluni
19:15	Greenland Development oqaaseqassaaq nutaarsiassanillu saqqummiilluni
19:20	ERM-mit avatangiisit pillugit saqqummiissaaq (EIA)
19:40	Alcoa Suliniut pillugu paasissutissiissaaq
20:00	Oqallinneq ammasoq
20:30	Unillatsiarneq
20:45	Paasissutissanik ilisimatitsinerit Misissorneqartut pillugit Avatangiisit pillugit misissukkat (EIA) Suliniut pillugu – Alcoa kiisalu Greenland Development
22:00	Ataatsimiinneq naassaaq

nunat ataasiakkaat nittartagaat

atuisutut iserneq