 |
|
|
|
|
|
|
|
January 29, 2009
Alcoap tapersersorpaa, Siunissami piujuartitsinermik tunngaveqarluni periuseqarneq, Aluminium 2008
|
|
|
Eqqarsarluarluni periuseqarnerit siunissami piujuartitsinissaq tunngavigalugu, Europami aluminium-imik tamanut naapertuuttumik tunisassioqatigiiffik annerpaaq Tysklandimi septembarip 23.-25.-ianut ingerlanneqartumi Alcoa Aluminium 2008 tapersersorpaa. Alcoap paasissutissiinerni ingerlanneqartuni takussutissiivia 400 m2-isut angitigisumi peqataavoq, tassani tunisassiat nutaaliaanerpaat sulllissinnerillu allat saqqummiunneqarput: Angallassissutit, Silaannakkut angallassissutit, Sanaartornerni ilusilersuinernilu tunngasut, Angallassinerit tamanut ammasut kiisalu Inuutissarsiornikkut aammalu Tunisassiassanik suliaqarneq.
Alcoa Piujuartitsinerlu
Tunisassiat saqqummiunneqartut ataatsimut isigalugu Alcoa-mit ilanngunneqarpoq piujuartitsineq tunngavigalugu siunissami ingerlatsinissami suleqataanissaq tunniusseqataanissarlu. Alcoa-mi uagut piujuartitsineq tamakkiisumik tunngavigalugu tunaartaraarput aningaasaqarnikkut iluatittumik ineriartortitsinissatsinni, avatangiisinut pitsaanerpaamik periuseqarnissami, aammalu inuiaqatigiinni suleqatigiinnikkut akisussaaffeqatigiinnerit tunngavigalugit. Tulleriissaartumik tamanna uatsinnut periarfissiivoq ingerlanneqartuni sunnerneqartussanut tamanut, sulisuusunut, pisisartunut, pilersuisunut, aammalu innuttaasuni ingerlatsivigisatsinni inuiaqatigiinni piffissami sivisuumi tamanut pissarsiaqaataasumik periuseqarluta ingerlatsinissatsinnut periarfissiilluni.
Alcoa- periusissanik nassaarineqartunik suleqataasoq
Teknologimik aammalu nutaaliornerit ingerlanneqartut tunngavigalugit ineriartortitsinerit, suliassaqarfitta iluani annertuumik uagut ingerlatsivigaarput, tamanna aqqutigalugu silaannaap kissakkiartorneranut akornutaasunik sinnikunik aniatitat siunissami annikilliliiniarnerit, aluminium-ip immineq nammineq annertuumik sunniuteqarfigai aluminium-ip oqimaassusia atoqqinneqarsinnaaneralugu aqqutigalugit. Angallassinikkut aammalu soorlu assersuutigalugu aluminium-ip orsussamik annikinnerusumik atuinerulernissamik kinguneqartitsisarnera, tamatumani angallassissutit oqinnerusumik oqimaassuseqarneri aluminium-i atorneri peqqutigalugit tunngaveqarpoq. Oqimaassutsit tunisassiat suliarineqartunit atortut kilogram-it tamavimmik aluminium-imik taarserneqartut CO2-mik silaannarmut aniatitaqarnikinnerunermik taarsiisarput, tamatumani atoqqinneqartarneq aqqutigalugu.
Alcoa ilinnut qanoq iliuuseqarsinnaava.
Tusagassiorfiit aggersarneqarput takutitsivigisagut alakkarneqarsinnaanngorlugit, paasissutissanik qitiusunik siammarteriviusut aqqutigalugit imaluunniit paasissutissanik tunioraaviit aqqutigalugit. Tusagassiortut aammattaaq attaveqarfigineqarfissatik tunniussinnaavaat annertusisamik paasissutissanik Alcoa kingusinnerusukkut nassissuiffissaanik ilisimatillugu, imaluunniit kingusinnerusukkut isumaqatigiissuteqarnikkut paasissutisseeqatigiittoqarsinnaalluni. Periarfissarpassuit allat takkukkumaarput kingusinnerusukkut, tamatumani “Alcoa ilinniut qanoq iliuuseqarsinnaava” pillugu oqalliffiusinnaassalluni.
Alcoa Alumium Award-ilu
Allatigut piujuartitsinermik tunngaveqarluni ineriartortitsinernik ingerlatsiviusut Alcoa-p aningaasaliissuteqartarnerisigut soorlu ‘2008 European Auminium Award’-i aqqutigalugu ingerlanneqarpoq, pineqartoq aluminium-imik tunisassiorfigineqartut pillugit sullitat aammalu immikkuullarissumik periutsinik nassaartorfiusut immikkut maluginiagassat pillugit atuisartut nersorneqarniarneqartarfiat maluginiarneqarfiallu. Septembarip 23.-iani immikkut ittumik nersorinninniarnermi ingerlanneqartumi “Europa” pillugu saqqummiussivimmi Essen Congress Center West-imi aammalu nersorniarneqarnissami ajugaaniarnermi maluginiarneqartaqisumi anngunniunnermi peqataasut tamarmik “Galeria”-mi saqqummiunneqartussaapput Aluminium 2008 pisussani peqataatinneqarlutik.
ICAA 11
Alcoa-p Aluminium 2008-imi peqataanerani ilaatigut immikkut ilisimasallit peqataassapput pisussami 11th International Conference of Aluminium Alloy-imik taagutilik ingerlanneqarnerani, ullunilu 22.-26. Septembari Aachen-imi ingerlanneqartumi peqataassaaq. Arlalitsigut saqqummiisoqassaaq, ilanngullugit ilaatigut oqalugiaatit marluk Alcoa-p nutaaliaanerpaasumik ilisimatusarnikkut ineriartortitai pillugit saqqummiisoqassalluni.
Alcoa nunarsuarmi aluminium-iliorfiit akornani siuttuuffigai tunisassiassat suliareqqitassiassat, aluminum-i suliareriigaq aammalu alumina akuugaq, tamatumani eqeersimaartumik suliassaqarfinnilu annertuumik tunisassiorfinni annerni tamani suleqataalluni. Alcoa silaannakkut angallassissutit, biilit, poortuutissiat, sanaartugassat ilusilersuinerillu, angallassissutit allat kiisalu tunisassiorfinni ingerlatsivinni tunisassiassat, ilusilersuinerit, atortussiat, tunisassiorfiit allatigullu suliassaqarfiit ingerlatsiviusut Alcoa-p suliassaqarfiiniittut sullitaminut ingerlatsivigisaani. Aluminium-imik tunisassiat atortorissaarutillu saniatigut tunisassiat ilusilersukkat assigiinngitsut tunisassiat ingerlappai, suliareqqitassat tunisassiat, agguaqqitassiassat, katitikkat aammalu tunisassiareqqitassatut ilusilersukkat, tuluttut taagutillit flat-rolled products, hard alloy extrusions aammalu forgings, Alcoa aammattaaq Alcoa® tunisassiarisarpai assakaasut, sillimaniarnerni atortussiat qitequtaasat, suliareqqissaakkat aammalu tunisassianik ilusilersueriaatsit qangaaniilli periutsit atorneqartartut ilusilersuinerit, kiisalu sanaartornermi periutsit. Suliffeqarfik 97,000-inik sulisoqarpoq nunani 34-ini, aammalu nunarsuarmi World Economic Forum Davos-imi Schweiz-imi suliffeqarfiit piujuartitsinernik ingerlatsilluarnerpaatut toqqarneqarnikuulluni. Annertusisamik paasisaqarusukkuit alakkarsinnaavat www.alcoa.com
|
|
|
|
|
|
