 |
|
|
|
|
|
|
|
2008-09-09
Alcoa ukiut tulleriiginnaat arfineq aappassaat piujuaannartitsilluartuusutut aningaasanik niuerfimmi Dow Jonesimit toqqarneqarpoq.
|
|
|
NEW YORK--(BUSINESS WIRE)--Alcoa (NYSE:AA nalunaarpoq Amerikami avannarlermi aningaasanik niuerfimmit Dow Jonesimit piujuaannartitsiniarluartut ilaattut toqqarneqarsimalluni. Taamaalilluni maanna toqqagaanermini Dow Jonesip Piujuaannartitsiniarluartutut nalunaarsugaanni ilannguttarnermini ukiut arfineq aapperpai. Aningaasaliisartut suliffeqarfiit aningaasaanartiguunngitsoq qanoq ingerlanerannut naliliisarneranni tamanna pingaaruteqarpoq. Taama naliliineq suliffeqarfiup aningaasaqassusianik, avatangiisinut inuiaqatigiinnullu suliaannik naliliineq aallaavigalugu pisarpoq. Nalilersukkat tassaapput navialinaveersaartitsiniarluni suliniutit, avammut saqqummertarneq, silap allanngoriartorneranik annikillisaaneq, pisiniarfigisartakkanut piumasaqaatit kiisalu sulisoqarnermut tunngasut.
2001-imiilli Piujuaannartitsiniarluartutut Dow Jonesimiit toqqaagaasarneq Alcoap piujuaannartitsinermik pingaartitsissusianik ersersitsisuuvoq. Angusarput tamanna tulluusimaarutigaarput isumaqaratta piujuaannartitsinikkut siuariartorneq suliffeqarfitta naleqassusianut iluaqutaasoq", Klaus Kleinfeld Alcoap pisortaanera oqarpoq.
Alcoap 2007-imi piujuaannartitsiniarluni suliniutaani makku malunaateqarnerupput.
-
Ukiut qulikkaat marluk ingerlaneranni Islandimi aatsitsiviit imermik innaallagissiorfimmiit sarfalersugaasut pigisatta siullersaata ammarneqarnera;
-
USA-mi Silap Allanngornera Akiorniarlugu Suleqatigiinnik pilersitseqataasutut Alcoa inatsisitigut silap allanngorneranut piumasaqaasiornissamik ilungersoqataavoq; aamma
-
Alcoa aammalu Alcoap Aningaasaateqarfia aqqutigalugu inoqarfiit silarsuarmi tamarmi suliffeqarfinnik ingerlatsivigisavut 49 million dollarsinik aningaasaliiffigisimavavut.
Alcoap silarsuarmi sumi tamaani 2007-imi Piujuaannartitsineq pillugu suliaanik nalunaarutit uani aaneqarsinnaapput www.alcoa.com/sustainability
Dow Jonesip Piujuaannartitsisunik nalunaarsuisarnera 1999-imili aallartittoq silarsuarmi piujujuaannartitsinermik tunngaveqarlutik ingerlatsisut aningaasarsiornikkut ingerlanerannik malinnaaffiusarpoq. Dow Jonesimi suleqatigiinnermik aallaaveqarlutik STOXX Limited aammalu SAM paasissutissanik illuinnaasiunngitsunik piujuaannartitsinikkut sulianik imaqartunik aqutsisunut tunniussisarput.
Alcoa pillugu
Alcoa tassavoq aluminiumik, aluminiunik kueriikkanik aammalu aluminiussamik sanaartortut aqutsisullu nunarsuarmi annersaat tamakkuninngalu suliaqarnermi tamatumani tamaginnik suliaqartuusoq. Alcoap sullissarai silaannakkoortartut, biililiortartut, poortuutissiortartut, sanaartortut, assartuisartut aammalu suliffissuit, taamaaliornermigullu Alcoap ilusilersuinikkut, ingeniøritut suliassatigut, tunisassiornikkut piginnaasatigullu allatigut sullitani suliaminik apuussiffigisarpai. Aluminiumik aluminiumillu atortulianik tunisassiortarnermi saniatigut Alcoap aamma tuniniartagai tassaapput plastikkimik poortuutissiat, saffiugassat akuleriillugit manngertuliat, Alcoattaaq nioqqutigisarpai Alcoa® assakaasut, matusissutit, sukaterutit, uuttortaqqissaagassanik saffiugassanik kuioraaneq, illuliornermi atortut. Suliffeqarfissuaq 97.000-inik nunani assigiinngitsuni 34-ini sulisoqarpoq aammalu Schweizimi Davosimi Silarsuarmiut Aningaasarsiorneq pillugu Oqallittarfiannit silarsuarmi suliffeqarfinni avatangiisinik mianerinninnerpaat ilaattut toqqarneqarsimalluni. Paasissutissat sukumiinerusut uani nassaarineqarsinnaapput: www.alcoa.com
|
|
|
|
|
|
