Nunarsuarmi sumiluunniit inoqarfiit Alcoap suliffissuaanik allaffeqarfiinillu najugaqartitsisuusut untritilikkaat peqqissuunerat ajunngitsumillu inuuneqarnerat tassaatipparput uagut ingerlalluarnitta tunngavigisaa. Inoqarfiit tamakku Alcoap tunisisarnerani qitiutinneqartuarsimapput, tassa Alcoa Inc. aqqutigalugu aammalu ingerlataq iluanaarniarfiunngitsoq Alcoap Aningaasaateqarfia aqqutigalugu tunisisarnermi.

Sumiiffiit taakku inuisalu uatsinnut pingaaruteqarnerujussuat pissutigalugu aningaasaliinerit, isumassarsiat, namminerlu piffissarput sulinerpullu tunniullugit pisuunngorsartarpavut.
 
Suliat aningaasaliissutinik tunngavillit saniatigut nunarsuaq kaajallallugu suliniutit marluk Alcoap sulisuisa namminneq kajumissutsiminnik suliniartarnerat Alcoap aningaasaateqarfii immikkut ittut aqqutigalugit nersorniarneqartarput. Suliniarfiup ACTION-ip (aqqata tuluttuua nutserlugu: Alcoarmiut Eqqaamioriit Kattuttut) Alcoarmiut kajumissaartarpai inoqarfinni najugarisaminni suliniaqatigiiffiit aningaasannanniartuunngitsut ikiortaqqullugit. Taavalu Bravop sulisut ataasikkaat kajumissutsiminnik sulinerat nersorniartarpaa. Alcoarmiut sumiikkaluartulluunniit suliniutinut taakkununnga peqataasarput najugarisaminni suliniaqatigiiffiit iluanaarniartuunngitsut iluaqutigisassaannik.

Alcoap Aningaasaateqarfia


1952-imiilli Alcoap Aningaasaateqarfia nunarsuarmi sumiluuniit Alcoap suliaqarfigisaani najukkami, nunami tamarmi nunallu tamalaat akornanni suliniaqatigiiffinnut aningaasaliisarpoq najugaqartut iluaqusernissaat siunertaralugu. Paasisaqarnerorusukkuit Alcoap nunarsuarmi tamarmi suliffigisaani inuit pillugit nittartagaq takuuk. (Tuluttut)
orniguk