Alcoap Aningaasaateqarfia

1952-imi Alcoap Aningaasaateqarfiata pilersinneqarneraniit 435 million dollarit sinnerlugit Alcoap ingerlataqarfiini silarsuarmi sumiluunniit ittuni inuunermik pitsanngorsaanermut aningaasaliissutigineqarsimapput.

Nunarsuarmi tamarmi inoqarfinnilu ataasiakkaani aningaasanik tunissuteqartarneq inuit Alcoap ingerlatsiviiniittut pisariaqartitaannut naleqqussagaasarpoq, aammalu suliffeqarfittut pitsaanerpaamik suleqataanissaq anguniarlugu Alcoap aammalu Alcoap Aningaasaateqarfiata piginnaaneri immikkut ittut, nukii aammalu naleqartitai ataatsimut kattutaartarlugit.

Alcoap Aningaasaateqarfiata nunani ataasiakkaani, nunani tamalaani aammalu naalakkersuinikkut suliniaqatigiit assigiinngitsut inuiaqatigiinni nunarsuarmioqatigiinnilu ajornartorsiutaasunik Alcoap Aningaasaateqarfiata pitsaassuseq - nungutsaaliuineq piujuartitsinerlu, meeqqat ilaqutariillu isumanngitsut peqqissullu; nunarsuarmiut qaammarsarneqarnissaat suliffimmilu piginnaasat; aammalu suliffeqarfiit nunaqqatigiillu suleqatigiinnissaat pillugit anguniagaanut naapertuuttumik aaqqiiniartuusut aamma tapersersortarpai.

Sulisut nammineq kajumissutiminnik suliniutaat
Alcoap inooqatigiinnut ikiuiniartarnera tapiissutitigut taamaallaat ersersinneqarneq ajorpoq. Sulisut namminneq kajumissutsiminnik suliniartarnerat suliffeqarfiup inuiaqatigiinnut akuliusimaneranik alliartortitsisuuvoq nunarsuarmullu siaruariartortitsilluni.

ACTION (Alcoamiut Eqqaamioriinni Ataatsimoornerat) tassaavoq Alcoami sulisut suliniutaat Alcoap Aningaasaateqarfiannit aqunneqartoq. Suliniutikkut Alcoami sulisut tallimakkaarlutik amerlanerullutilluunniit minnerpaamik akunnerni sisamani nunaqqatigiinni suliniutinut suliniaqatigiiffinnit iluanaarniartuunngitsunit ingerlanneqartunut suliniaqatigiiffimmulluunniit naalakkersuisutigoortuunngitsumut suleqataanissaannik kajumissaarneqartarput. Sulinerat nersorniarlugu Alcoap suliniaqatigiiffik nammineq sumut atornissaanik aalajangigassaannik 1.500 dollarinik imaluunniit 3.000 dollarinik (suleqatigiit qanoq amerlatiginerat apeqqutaalluni) tapiissuteqarfigissavaa.

Bravo! tassaavoq Alcoap sulisuisa suliniaqatigiiffiat Alcoap Aningaasaateqarfianit aqunneqartoq. Taassuma Alcoami sulisut nunaqqatimik akornanni suliniarnerannik nersuiniartarnissaq siunertaara. Alcoami sulisoq ikinnerpaamik akunnerni 50-ini nammineq kajumissutsiminik suliniaqatigiiffimmi iluanaarniartuunngitsumi naalakkersuisutigoortuunngitsumiluunniit sulereersimagaangat suliniaqatigiiffik taanna 250 dollarinik tunineqartarpoq.

Nungutsaaliuinermik Piujujuartitsinermillu Sulialinnut Aningaasaliisarfik
Ukiut marluk misissuereerluni paasiniaasareerluni Alcoap Aningaasaateqarfiata Nungutsaaliuinermik Piujujuartitsinermillu Sulialinnut Aningaasaliisarfik 8,6 mio. dollarinik aningaasaatilik 2005 naajartortoq pilersippaa. Aningaasaliisarfikkut tassuuna ilinniagartuut sulilluartut aammalu suliniaqatigiiffinni naalakkersuisutigoortuunngitsuni suliniartuusut aningaasaliiffigineqartarnerat aqqutigalugu nungutsaaliuineq piujujuaannartitsinerlu pillugit ilisimasat amerliartortinniarneqarput.

Suliniutip ukiuni arfinilinni atuuttussap immikkuullarissumik ilusilersugaaneratigut ilisimatusarnerit suleriaatsillu assigiinngitsut kiisalu suleqatigiinnissamut periarfissat atorlugit siunissami silarsuarmi siuttunngortussat suliffeqarfiillu nuimasut attaveqatigiilersinneqarput tamatumuunakkullu piujujuaannartitsinerup ilisimatusarfigineqarnera aallarnerneqassaaq iluaqusersorneqassallunilu kiisalu nungutsaaliuineq piujujuartitsinerlu pillugit nutaaliorfiusumik siammasissumillu suleqatigiinneq siammarterneqassalluni.

Suliniartunut aningaasaliissutit atorlugit ilisimatusarnerit aqqutigalugit nungutsaaliuinermi piujujuaannartitsinermilu periarfissat suliassallu nutaanik iseqarluni isiginiarneqalissapput, kiisalu silarsuarmi sumiluunniit piujujuaannartitsineq pillugu ilisimasat, suleriaatsit angusassallu amerlisarneqarnissaat siunertaraluguttaaq ilisimatusartuusut allat iluaqusersorneqassallutik.
Alcoap Aningaasaateqarfia


Alcoap Aningaasaateqarfiata aningaasaliissutigisartagai pillugit Alcoa communities worldwidemi (tuluttooq) paasisaqarnerusinnaavutit.
allat