Surinamemi bauxitemik piiaaneq

Aatsitassanik piiaaneq
 
Nunarsuup qalipaani saffiugassani aluminiu nalinginnaanerpaat ilagaat.
Pinngortitami bauxiteulluni nassaassaavoq, tassa saffiugassiassaq aluminiumoxidimik, imaluunniit aluminiussamik, akulik. Bauxite qallortarparput Australiami, Brasiliami, Surinamemi, Jamaicami nunarsuarmilu piffinni allani, aluminiussartaata annersaa akuiaanikkut peertarlugu. 2003-imi Alcoap bauxite nammineq peqqumaatini 30,8 mio. tons atorpaa, 6,9 mio tonsit attuumassuteqartunit allanit, aammalu 1,9 mio. tons attuumassuteqanngitsunit allanit.
 
Bauxitimik nunamiit piiaaneq
Bauxitimik piiaanermi nunap qaa peerneqartarpoq kingornalu pissusitoqaatut ilisitsinissamut atugassanngorlugu toqqorneqartarluni, saffiugassiassaq ataaniittoq peerneqartarluni, taavalu naggataagut nuna pissusitoqaatut iliseqqinneqartarluni. Piiaaffiit ilaanni periaatsimut tassunga ilaavoq bauxitep qaavaniittup qaarsoq bauxitemik akulik qilleriarlugu qaartiterneqartarnera bauxitemut aqinnerusumut ataaniittumut ilanngullugu piiarumallugu. Qaartitsinissaq akuerineqarsinnaasanngikkaangat maskiinarsuit atorlugit ujaqqat piiarneqartarput. Saffiugassiassaq aggorneqareeriaraangat assaassussuit bulldozerilluuniit atorlugit usisaassuarnut usilersuunneqartarpoq taavalu aatsitassarsiorfimmi aggueqqaarfissanut aluminiussanngorlugu piareersarfissaanut ingerlanneqartarluni.
 
Nunap pissusitoqaatut ilisinneqartarnera
Aatsitassamik piiaaneq Alcoap nunamik atuigallarnerinnartut isigaa. Nunaminertat aatsitassamik piiaaffiusimasut inooqatigiinnikkut uumassusileqarfittullu atorneqarsinnaanngorlugit pissusitoqaatut ilitinneqartassapput. Siunissami nunaminertamik atuisussat ilimagissallugu pisinnaatitaaffigaat nunaminertap taassuma namminneq pisariaqartitaannik sapinngisamik periarfissanik amerlasuunik peqartissagaatik.
 
Alcoami iluarsaaqqinneq eqqaagaangatsigu pisartagarput tassaavoq nuna innarlerneqarsimasoq pilersaarutigineqareersut malillugit ilusilerneqassasoq atorneqarsinnaanngortinneqassasorlu. Iluarsaaqqinneq tassaavoq piiaaffik nungujartorpallaartussaajunnaarluni aalaakkaasunngortinneqassasoq, kisiannili kusanassutsikkut, avatangiisitigut, aningaasarsiornikkut, inooqatigiinnermilu pingaartitat naapertorlugit iluarsaanneqassalluni.

Australiami aatsitassarsiorneq


Australiami Alcoa qanoq bauxitimik piiaasarnersoq pillugu amerlanerusunik atuarit. (Tuluttut)
allat

Nunap pissusitoqaatut ilisinneqartarnera


Piiaaffiusimasut nunarsuarmi sumiluunniit qanoq atoqqissinnaanngorlugit suliarineqartarnerat pillugu atuarit.(Tuluttut)
allat